• Мартин Танасковски
Ватерполо репрезентацијата на Србија првпат по разделбата со Црна Гора нема да игра четвртфинале на едно Европско првенство (ЕП), откако доживеа минимален пораз од Франција (10-9).
Расплетот на мечот се случи во последната минута, кога Душан Мандиќ донесе 9-9 за Србите. Франција имаше напад со играч повеќе, Марзуки на 30 секунди пред крајот донесе 10-9, а иако нашите соседи напаѓаа со играч повеќе, не успеаја да реализираат за реми.
Пласман во четвртфиналето обезбеди Црна Гора која беше подобра од Романија (13-8), исто така и Грузија која ја надигра Холандија (12-8). Убедлива беше и Грција против селекцијата на Израел (22-9).
- ЧЕТВРТФИНАЛЕ, ЕП:
Црна Гора - Унгарија
Грција - Шпанија
Грузија - Хрватска
Франција - Италија