• Горан Упале
Српските ватерполисти ја оправдаа улогата на фаворити на Европското првенство во Хрватска и со победата над Израел од 22-1 направија добра увертира за големото дерби со Германија.
Головите за Србија ги постигнаа: Марко Радуловиќ (четири), Никола Јакшиќ, Радомир Драшовиќ, Сава Ранѓеловиќ, Страхиња Рашовиќ (по три), Душан Мандиќ, Вук Милојевиќ (по два), Виктор Рашовиќ, Никола Лукиќ (по еден). Голот за Израел го постигна Ронен Грос.
Избраниците на Урош Стевановиќ, како што најавија, влегоа сериозно во натпреварот, одиграа на високо ниво во двата правци, па големата разлика во квалитет брзо исплива на површина.
Во следното коло, закажано за седми јануари, Србија со почеток од 19:00 часот игра против Германија, која денес рутински славеше над Малта со 18-13.
Тој дуел од второто коло ќе даде одговор на прашањето - која селекција ќе го освои првото место во групата Ц.