• Мартин Танасковски
Ватерполо репрезентацијата на Соединетите Американски Држави во рамки на последното коло од групната фаза ја победи Хрватска (14-11) и така познати се сите четвртфинални парови на Летните Олимписки Игри (ЛОИ).
Србите „навиваа“ за Хрватите на овој натпревар, меѓутоа не добија услуга за да имаат нешто полесен ривал во четвртфиналната фаза. Американците си ја завршија задачата уште во првите две четвртини во кои постигнаа десет гола во мрежата на „баракудите“.
Поради овој резултат, ќе гледаме реприза од финалето на последните ЛОИ уште во четвртфиналната фаза. Србија оди на мегдан против Грција, САД ќе игра со Австралија, Италија оди на мегдан со Унгарија, додека Хрватска ќе игра со Шпанија.
Четвртфиналните дуели во ватерполо на програмата се на 7 август.