Раднички Крагуевац потпиша со ватерполист кој освои 14 злата!

Српскиот ватерполист Милош Чук е нов член на Раднички од Крагуевац, актуелниот шампион на Србија и на регионалната лига. Чук е долгогодишен репрезентативец на Србија, а како репрезентативец освои 17 медали, од кои дури 14 златни.

Во кариерата играше за Војводина, Партизан, унгарските клубови Егер и Солнок, загрепски Младост и Нови Београд.

„Новиот играч на Раднички, Милош Чук, доаѓа во Крагуевац со големо искуство и 17 репрезентативни медали, од кои дури 14 се златни. Популарниот Чуле ќе биде наше огромно засилување“, објавија од клубот од Крагуевац.

Почетокот на сезоната во Суперлигата на Србија закажана е за шести октомври.