Хрватските ватерполисти го освоија Европа Купот во Ријека

Хрватска ватерполо репреентација го освои златниот медал на Европа Купот во ватерполо, кој заврши овој викенд во Ријека. „Баракудите“ синоќа ја победија Шпанија со 12-9 и го комплетираа турнирот со максимален број на победи. 

Лорен Фатовиќ, кој постигна шест погодоци беше најдобар поединец во финалето, а во шпанската репрезентација Мунариз постигна три гола.

Бронзениот медал го освои Италија, која во малото финале ја победи Србија со 10-9. Од петтата до осмата позиција се класифицираа Црна Гора, Унгарија, Грција и Франција.