Хрватска слави во ватерполо драмата со Грција и се чекира во четвртфинале

Ватерполо репрезентацијата на Хрватска по голема драма ја совлада Грција со 14-13, во рамките а четвртото коло од групата А на Олимписките игри. 

Стартот на средбата беше израмнет, првата четвртина понуди нерешени 3-3. Тогаш до полувремето подобро се снајдоа Грците кои со 1-3 дојдоа на водство од 4-6. 

Во продолжението Хрватите се кренаа, ја добија третата четвртина со 7-3 и направија предност која ја одбранија и во четвртиот период (3-4).

Хрватите успеаја да дојдат до посакуваната победа со која го презедоа врвот во групата, барем привремено, меѓутоа се чекираа во четвртфиналето. Во последното коло тие играат против САД, додека Грците одат на мегдан со Италија.