• Мартин Танасковски
Ватерполо репрезентацијата на Србија на најдобар можен начин ја отвори втората фаза од Европското првенство што се одржува во Белград, забележувајќи сигурна победа над Франција со 14-10.
Во натпреварот од првото коло во новоформираната група Е, „делфините“ одиграа контролирано и зрелo, потврдувајќи го статусот на еден од главните фаворити за медал. Со овој триумф, актуелниот олимписки шампион направи важен чекор кон пласман во полуфиналето на континенталниот собир.
По оваа победа, Србија се искачи на втората позиција во групата со вкупно осум бодови, еден повеќе од селекцијата на Унгарија која моментално е лидер. Токму дуелот меѓу овие две репрезентации ќе биде следниот голем испит за српските ватерполисти, а натпреварот е закажан за два дена, со почеток од 20:30 часот.
Најистакнат поединец во редовите на Србија беше Радомир Драшовиќ, кој постигна три погодоци и беше клучна фигура во нападот. Значаен придонес дадоа и Милош Ќук, Никола Дедовиќ и Страхиња Рашовиќ, кои по двапати ја затресоа мрежата на француската репрезентација. Кај Франција, најрасположен за игра беше Тома Верну, кој со четири гола се обиде да го одржи својот тим во натпреварот, но тоа не беше доволно за да се избегне поразот од силната и искусна српска селекција.
На останатите натпревари во денот, Шпанија ја совлада Црна Гора (14-6) и ја оддалечи од следната фаза, додека Унгарија беше сигурна против Холандија (16-11).