Трансфери | Transferi

Грчкиот клуб ПАОК активно ја разгледува можноста за ангажман на поранешниот напаѓач на Реал Мадрид, Хоселу, откако фудбалерот беше официјално предложен на клубот како слободен агент. По заминувањето од катарскиот тим Ал-Гарафа, 36-годишниот голгетер бара нова средина, а солунскиот „црно-бел“ тим го анализира неговиот профил за засилување на офанзивната линија.

Рома активно се обидува да го ангажира младиот талент Родриго Мора од Порто. Италијанскиот клуб веќе испрати официјална понуда до Португалците за да го обезбеди потписот на 19-годишниот офанзивен играч за врска.

Њукасл Јунајтед сериозно го разгледува Жоао Палиња како опција за засилување во средниот ред. 31-годишниот португалски репрезентативец е на нивниот радар по заминувањето на клучните играчи Бруно Гимараеш и Сандро Тонали.

Мурињо не смета на Ендрик во Реал Мадрид, а играчот бара нова средина. Преферирана дестинација му е Премиер лигата во Англија.

Шкотскиот клуб Ренџерс ја одби рекордната понуда од 22 милиони фунти од страна на турскиот гигант Галатасарај за португалскиот напаѓач Јусуф Чермити. Трансфер пазарот во моментов е во полн ек, а шкотските медиуми известуваат дека Ренџерс се подготвува за нов, уште поголем налет од Истанбул.

Севиља има нов напаѓач. Се вика Роби Уре, доаѓа од Сириус за 9,2 милиони евра.

Тешко дека Езекел Паласиос ќе остане во Баер Леверкузен. Го бараат од Премиер лигата, најкоректен е Ипсвич кој испрати понуда до бундеслигашот.

Маркус Рашфорд се врати во тренинг кампот на Манчестер Јунајтед, откако ја комплетира позајмицата во Барселона и не беше откупен. Постоеше интерес од сите три страни за таков епилог, ама Англичанецот е назад во матичниот клуб. Рашфорд нема да разгледува опции за трансфер во Турција или Саудиска Арабија, па се зголемуваат шансите да остане на „Олд Трафорд“. Такво нешто би поддржал и тренерот Мајкл Керик.

Осман Диоманде ќе допатува во Англија во текот на денот и ќе го комплетира трансферот во Нотингем Форест. Се е договорено и Спортинг ќе добие околу 40 милиони евра за договорот на фудбалерот.

screenshot-capture-2026-08-09-10-37-19.png

Каљари и официјално го реализираше трансферот на Даниел Малдини, кој пристигнува од редовите на Аталанта. Според информациите објавени од италијанските медиуми, 24-годишниот офанзивен играч за врска веќе ги помина медицинските прегледи во Рим и потпиша за тимот од Сардинија.

Фенербахче поднесе официјална понуда од над 20 милиони евра за ангажман на 27-годишниот јапонски напаѓач Ајасе Уеда. Турскиот гигант е сериозно заинтересиран за играчот на Феенорд, кој зад себе остави фантастична сезона постигнувајќи 25 голови во холандското првенство.

Рускиот фудбалски клуб Локомотив Москва бара фиксни 30 милиони евра за трансферот на својот талентиран 21-годишен играч од средниот ред, Алексеј Батраков. Турскиот гигант Галатасарај е најсериозниот кандидат за неговиот потпис. Претседателот на клубот, Дурсун Озбек, лично ги води преговорите бидејќи е воодушевен од квалитетите на младиот фудбалер.

Јувентус крена раце и се откажа од трансферот на Матео Пелегрино од Парма. Младиот напаѓач сега е мета на Фиорентина.

Екипата на Наполи одби 6.000.000 евра од Фенербахче за Ромелу Лукаку. Италијанскиот тим бара најмалку десет милиони евра.

Начинот на кој Њукасл Јунајтед се збогуваше со Бруно Гимараеш предизвика големо внимание во Англија. Наместо емотивна порака за капитенот и еден од најважните играчи во новата ера на клубот, соопштението беше прилично „студено“ и најмногу се фокусираше на финансискиот аспект од трансферот.

Клубот истакна дека станува збор за една од десетте најголеми трансферни отштети во историјата за играч на 28 или повеќе години, како и за рекордна сума за фудбалер на таа возраст и позиција.

768592576280179435878602812167914570103255931n.jpg

Един Нурединоски има нов предизвик во кариерата. Нашиот фудбалски стратег потпиша договор со екипата на Ал-Рамтха од Јордан - трикратен шампион на оваа држава. 

Нурединоски влезе во тренерските води во 2020 година. Активната играчка кариера ја започна во Вардар, а заврши во Арис Лимасол. Покрај Вардар, го бранеше голот и на други македонски клубови, како Слога Југомагнат, Победа, Цементарница и Милано од Куманово. Исто така имаше и интернационална кариера настапувајќи за екипите на Етникос Ахна, Баку, Арис Лимасол и Ермис.

sanco-united.jpg

Џејдон Санчо некогаш важеше за еден од најголемите таленти на англискиот фудбал, а денес, на само 26 години, е без клуб и се поставуваат сериозни прашања за неговата иднина.

По одличните настапи во Борусија Дортмунд, каде што на 137 натпревари забележа дури 114 голови и асистенции, Манчестер јунајтед во 2021 година плати 73 милиони фунти за неговиот потпис. Наместо да стане една од новите ѕвезди на „Олд Трафорд“, Санчо влезе во серија проблеми кои целосно му ја променија кариерата.

Трансферот на аргентинскиот фудбалер Тијаго Алмада од Атлетико Мадрид во Ривер Плејт е официјално договорен за сума од 20 милиони евра. Со оваа сума, 25-годишниот офанзивен играч за врска станува најскапото засилување во историјата на клубот од Буенос Аирес.

Хакан Чалханоглу не сака да си замине од Милано. Турчинот јавно изрази желба да остане во клубот и понатаму, откако изјави дека е „среќен и задоволен во Интер“.

Екипата на Лацио има понуда да го продаде Петар Ратков. Динамо Москва нуди 18 милиони евра, а чека одговор...

Исмаел Бенасер и официјално го напушти Милан. Клубот потврди дека соработката со 28-годишниот алжирски играч за врска е прекината преку спогодбен раскин на договорот, со што се стави крај на неговиот шестгодишен престој на „Сан Сиро“.

Шпанскиот фудбалски клуб Севиља интензивно работи на ангажман на грузискиот репрезентативец Гиорги Кочорашвили. Поранешниот играч на Леванте во моментов е под договор со португалскиот Спортинг Лисабон. Сепак, тој не е во долгорочните планови на португалскиот тим за сезоната 2026/27, кој претпочита перманентен трансфер или позајмица со задолжителен откуп.

Тренерот на Атлетико Мадрид, Диего Симеоне, јавно потврди дека клубот нема никаква намера да го продаде Хулијан Алварез и дека тој останува клучен дел од нивниот спортски проект. И покрај големиот интерес од Барселона и желбата на самиот фудбалер да го исполни својот сон во Каталонија, мадридскиот клуб постави цврст „ѕид“ околу неговиот трансфер.