Мирко Ивановски пред осум месеци потпиша за Плоешти и тоа двегодишен договор, но двете страни се разделија предвдеме. Конкордија ќе биде домот на македонскиот напаѓач во следните шесец месеци, а во договорот постои клаузула за продолжување при евентуална промоција.
Ивановски добро го знае романскиот фудбал. Досега настапуваше за три екипи и тоа Астра, Клуж и Динамо Букурешт. 32-годишникот е поранешен репрезентативец на Македонија, кој ја започна кариерата во битолски Пелистер.
Трансферот на Енцо Фернандез во Челзи за 120 милиони евра е последен од долгата низа профитни заминувања од Бенфика. Клубот од Лисабон надмина една милијарда и за сите свои продажба во последните десет години зарабиотила 1,2 милијарди евра!.
По позајмицата на Белерин во Спортинг, во последните часови од зимскиот преоден рок Барселона очајно бараше млада опција за позицијата десен бек. Договорен беше трансферот на Хулијан Араухо од Лос Анџелес Галакси. Младиот Мексиканец беше пред пат за Европа, но трансферот не стигна навреме да се депонира во федерацијата и целосно пропадна.
Андер Херера и перманентно е фудбалер на Атлетик Билбао. Откако мина половина сезона на позајмица од ПСЖ, вчера неговиот матичен клуб го откупи од францускиот клуб за минимална сума, која не е обелоденената за јавноста. Оваа продажба отвори простор ПСЖ да го позајми Кејлор Навас во Нотингем Форест.
Според Рафаела Пимента, која беше „десна рака“ на покојниот Мино Рајола и продолжи да ја води менаџерската агенција, Ерлинг Халанд денес вреди една милијарда евра и не може секој клуб да си го дозволи.
Челзи доведе седум нови фудбалери и потроши повеќе од 300 милиони евра за засилувања оваа зима. Но, само тројца од нив може да ги регистрира за пролетните натпревари во евро-куповите. Според англиските медиуми фаворити за овие места се Жоао Феликс, Енцо Фернандез и Михајло Мудрик.
Адвокатот Тед Мидвула, кој е застапник на Рафаел Леао, негираше дека неговиот клиент одбил да преговара за нов договор и побарал да си замине од „Сан Сиро'“. Двете страни и натаму преговараат за нов договор, со далеку подобри услови за фудбалерот.
Младиот македонски репрезентативец Никола Величковски има нов клуб и ќе игра во Првата македонска фудбалска лига (ПМФЛ). 17-годишниот напаѓач реши да го напушти Вардар и да го замени за Работнички. Дебармаалци важат за клуб кој им дава шанса на младите играчи, а Величковски важи за голем потенцијал во мак-фудбалот.
Македонскиот фудбалер Лука Војнески почнува интернационална авантура, затоа што потпиша договор со хрватскиот тим Опатија.
18-годишниот играч за врска во изминатиот период беше дел од Работнички, за кого не доби шанса во сениорскиот тим, ама играше во младинските категории. Исто така, Војнески беше и на позајмица во редовите на Кожув.
За Лука Војнески, кој е син на македонскиот тренер Славчо Војнески, ова ќе биде прв ангажман надвор од Македонија.
Некогашниот стопер на Реал Мадрид, Диего Љоренте, дојде во Рома. На „Олимпико“ тој доаѓа од Лидс Јунајтед, на позајмица со опција за откуп.
18-годишниот Талха Идризи кој настапува во средниот ред, но може да игра и како крило во нападот, доби договор од тимот на Балкани од Сува Река до јуни 2024 и направи важен чекор напред во кариерата. Играчот играше пријателски натпревари, па го убеди тренерот Илир Даја во неговите квалитети.
Идризи досега беше дел од македонскиот фудбал. Тој е производ на школата на Работнички во која играше скоро шест години, а потоа играше и за Вардар. Исто така беше дел и од тимот на Шкупи, како и од амбициозниот второлигаш Гостивар.
Македонскиот фудбалер Матеј Цветаноски има нов клуб и постигна договор со струмичка Академија Пандев. Според информациите на Gol.mk, двете страни веќе ја договориле соработката и ќе следи претставување. Крилниот играч се враќа во македонскиот фудбал по една година, по настапите во Албанија каде играше за Партизани, како и во Унгарија за Ѓирмот.
Заврши јануарскиот преоден рок во Премиер лигата, а општиот впечаток е дека помина во знакот на Челзи, кој само во овој месец потроши над 300 милиони евра на засилувања. Апсолутен „крал“ во јануарскиот преоден рок е Челзи. „Сините“ поставија стандард за трошење, кој и покрај видливата тенденција за брз раст на трошењето во зимскиот преоден рок, тешко дека наскоро ќе биде соборен.
Барселона зимава нема да потпише со дефанзивецот на Баерн, Бенџамин Павард.
На Каталонците многу им се допаѓа дефанзивецот на Баерн, но клубот размислува да го ангажира за следната сезона, што значи дека преговорите треба да се водат на лето, а не сега. 26-годишниот репрезентативец на Франција е заинтересиран за преселба во Барселона.
Стоук Сити го објави потписот со дефанзивецот на Манчестер Јунајтед Аксел Туанзебе на својата официјална веб-страница. Двете страни потпишаа договор за позајмица до крајот на сезоната 2022/23.
Туанзебе стана петтото засилување на Стоук Сити во зимскиот преоден рок.
Требаше да биде еден од најголемите трансфери во зимскиот преоден рок, но на крајот пропадна поради бизарна ситуација. Хаким Зијеч ги договорил личните услови со Пари Сен Жермен, се упатил кон Париз и чекал Челзи да ги испрати сите потребни документи кои ќе му овозможат да стане соиграч на Лионел Меси. Нејмар, Килијан Мбапе. Сепак, поради грешка во документацијата, зделката пропадна, а најавени се жалби.
Фулам успеа во последен момент. Седрик Соареш пристигна на позајмица од Арсенал до крајот на сезоната.
Поранешниот фудбалер на Борусија Дортмунд и Манчестер Јунајтед, Шинџи Кагава се врати во Џеј-лигата. По кратката авантура во Белгија, во дресот на Сент Труден, креативниот фудбалер за врска потпиша за Серезо Осака.
Манчестер Јунајтед заврши голема работа на крајот на преодниот рок и во своите редови го донесе Марсел Сабицер од Баерн Минхен. Австрискиот плејмејкер доаѓа на позајмица до крајот на сезоната, а ќе биде замена за Кристијан Ериксен кој заработи незгодна повреда и го чека подолга пауза најмалку до месец мај.
Заради бизарна причина не се реализираа трансферот на Мароканецот Хаким Зијеч во ПСЖ. Документите за позајмица кои биле потпишани од двете страни, не биле испратени навреме за да бидат регистрирани во Лига 1.
Хаким Зијеч вечерта ја минал во канцелариите на ПСЖ, дури и понудил финансиска помош, но трансферот не се реализирал. Ако не биде направен исклучок од француската лига, за Мароканецот да биде регистриран по завршувањето на преодниот рок, тој мора да се врати во Лондон.
Депониран е трансферот на Енцо Фернандез од Бенфика во Челзи за рекордни 120 милиони евра. 25% од оваа сума добива Ривер Плата, која вметна клаузула при трансферот на фудбалерот во Бенфика.
Нотингем Форест беше принуден да најде решение на голот по тешката повреда на Дин Хендерсон, кој ќе отсуствува неколку месеци. Навас го одби трансферот во Ал-Наср и потпиша за „шумарите“.
По седум години Џонџо Шелви ги напушта Њукасл Јунајтед. Фудбалерот за врска си замина од „Сент Џејмс Парк“ и потпиша за Нотингем Форест, Деталите за трансферот не се познати за јавноста.
Аугсбург е клубот кој го одбележа зимскиот преоден рок во Германија. Баварскиот клуб доведе седум нови имиња, а последно е капитенот на младата португалска репрезентација Ренато Веига, кој доаѓа од Спортинг.
По заминувањето на Педро Поро во Тотенхем, Спортинг Лисабон и Рубен Аморин брзо доведоа замена. Имено, поранешниот ас на Арсенал, Бетис и Барселона, Хектор Белерин дојде на позајмица до крајот на сезоната во Лисабон.
По доведувањето на Жоржињо, Арсенал се ослободи од еден фудбалер за врска. Младиот Алберт-Мбоjо Самби Локонга не се изнаигра кај Артета, па до крајот на сезоната ќе игра на позајмица во Кристал Палас.
Најавите од претходните денови добија потврда. Саша Лукиќ, капитенот на Торино, му се приклучи на Александар Митровиќ во Фулам. Италијанскиот клуб заработи осум милиони евра за Србинот.
Патрик Виеира и Кристал Палас доведоа млад талент во Лондон. Нуру Ахамада го напушти Штутгарт и се пресели во Премиер лигата. Деталите за трансферот на 20-годишниот Французин не се познати за јавноста.
Во последните часови од зимскиот преоден рок Атлетико Мадрид доведе неочекувано име во дефанзивата. На местото на Фелипе, кој заврши во Нотингем, дојде Мет Доерти од Тотенхем. Фудбалерот е позајмен до крајот на сезоната.
Екипата на ПСВ Ајндховен обезбеди големо засилување. Го договори Торган Азар, кој доаѓа во финишот на преодниот рок.
Арсенал доби големо засилување во борбата за титулата во Премиер лигата. Договорот е веќе постигнат и потврден и Жоржињо од Челзи ќе ги промени клупските бои. Трансферот е вреден 12 милиони фунти, а искусниот играч за врска потпиша договор до 2024 година со опција за продолжување на уште една сезона. Клубот го објави трансферот и соопшти дека Италијанецот ќе го носи дресот со број 20.
Харис Сеферовиќ дојде во Селта на позајмица. Играчот на Бенфика ќе има за задача да помогне во постигнувањето на голови.
Џон Текстор е мнозински сопственик и на Лион и на Ботафого, а трансфер меѓу овие клубови штотуку е реализиран. Офанзивецот Џефињо потпиша за францускиот тим до 2027 година.
Офанзивниот играч за врска на Ајакс, Виктор Јенсен се пресели во Утрехт и потпиша договор до 2026 година.
Ваљадолид донесе големо засилување од Стандард. Селим Амала, репрезентативецот на Мароко кој блесна на Мундијалот во Катар дојде во шпанската Примера за само 1.000.000 евра.
Антонио Конте немаше намера да му даде шанса на Џед Спенс, па англискиот дефанзивец до крајот на сезоната ќе игра за Рен.Францускиот клуб ја официјализира позајмицата до крајот на сезоната, без право на откуп.
Лондонски Арсенал се откажа од трката за потписот на Мојсес Каиседо, откако Брајтон ја одби и втората понуда од Лондон која што изнесуваше 60 милиони евра.
Фудбалскиот клуб Македонија Ѓорче Петров претстави уште едно засилување во зимскиот трансфер период. „Лавовите“ во пролетниот дел од сезона на ПМФЛ ќе бидат посилни со услугите на поранешниот младински репрезентативец, Јован Попзлатанов.
26-годишниот крилен играч по само осум месеци се раздели со второлигашот Вардар и се враќа во македонската елита.
Хари Мегвајер нема да замине од редовите на Манчестер Јунајтед, иако во последен момент беше поврзуван со трансфер во Интер. Клубот нема во план да продава на последниот ден од преодниот рок, па Мегвајер останува барем до лето.
Милан може да остане без многу важен фудбалер. Рафаел Леао влегол во кавга со клупската легенда и директор Паоло Малдини и бара трансфер. Барем така велат од Италија. Ќе си замине ли Леао од „росонерите“?
Шпанскиот плејмејкер Иско требаше да биде големо засилување за бундеслигашот Унион Берлин, меѓутоа до такво нешто нема да дојде.
Марсел Сабицер може да го напушти Минхен. Следна дестинација има опција да е Премиер лигата - Манчестер Јунајтед и Челзи разговарале со Баерн за негов трансфер.
Екипата на Тиквеш ги реши дефанзивните проблеми со ангажманот на босанскиот интернационалец Алмир Цубара кој ќе игра за кавадарчани во следниот дел од сезоната. Се работи за 25-годишен стопер кој доаѓа по повредите кои настапија кај Тиквеш на подготовките. Последен клуб на Цубара беше Игман Коњиц од БиХ, а претходно играше и за ТОСК Тешањ, Челик, Железничар исто така од неговата земја.
Лука Менало е важен дел од тимот на Динамо Загреб. Оваа зима дојдоа две понуди на адреса на „модрите“, ама управата реши да ги одбие.
Манчестер Јунајтед се соочува со проблеми поради повредата на Кристијан Ериксен и мора да бара алтернатива. Еден од играчите кој му е понуден на премиерлигашот е Јаник Караско од Атлетико Мадрид, на позајмица.
Милан Шкрињар има уште шест месеци договор со Интер. Играчот веќе потпишал за ПСЖ, Интер се обиде да го продаде уште сега, но не за сума помала од 20 милиони евра. Двете страни преговараа затоа што ПСЖ нудеше 10 милиони евра, но на крајот преговорите пропаднаа.
Калчолигашот сака експресен трансфер на Николо Заниоло за добра сума. Управата, наводно, дури е и подготвена дракоснки да го казни играчот за неговото однесување, па дури и по цена да не заработи ниту цент. Наводно, Рома му се заканила на Заниоло дека ако не го продаде, тој нема да заигра до јуни 2024 година, додека не му истече договорот.
Екипата на Баерн Минхен обезбеди големо засилување за следниот дел од сезоната, затоа што потпиша договор со португалскиот бек Жоао Кансело.
28-годишниот играч беше важен дел од првиот тим на Пеп Гвардиола, но по една кавга со шпанскиот стратег поради минутажата реши да ја напушти екипата. Од целата ситуација профитира германскиот првак кој веднаш го донесе во својот тим.
„Баварците“ го донесоа Кансело на позајмица од Манчестер Сити, со право на откуп од 70 милиони евра.
Фабрицио Романо пренесува дека Арсенал доби големо засилување во борбата за титулата во Премиер лигата. Наводно, договор е веќе постигнат и Жоржињо од Челзи ќе ги промени клупските бои. Трансферот е вредна 12 милиони фунти, а искусниот играч за врска потпиша договор до 2024 година со опција за продолжување на уште една сезона.
Спротивно на англиските медиуми, португалски „Рекорд“ пишува дека Енко Фернандез е сè поблиску до останување во Бенфика. Аргентинецот ќе го пропушти вечерашниот натпревар со Арука, но се уште нема договор меѓу Бенфика и Челзи.
