Фудбалската федерација на Македонија го претстави своето ново засилување во стручните структури – поранешниот репрезентативец Николче Новески е именуван за раководител на скаутинг службата.
Со богата играчка кариера зад себе, најголемиот дел помината во германската Бундеслига со дресот на Мајнц, Новески важи за едно од најпрепознатливите имиња на македонскиот фудбал во изминатите две децении.
Мароканецот Наиф Агуерд има нов клуб. Тој го напушти Вест Хем и на позајмица доаѓа во Лига 1. Во сезоната 2025/26 тој ќе го носи дресот на Олимпик Марсеј и веќе му се стави на располагање на тренерот Роберто де Зерби.
Шпански тренер нема да го води Баер Леверкузен во новата сезона, откако првата опција за наследник на отпуштениот Ерик тен Хаг ја одби понудата. Во шпанските медиуми се појавија информации дека 45-годишниот фудбалски стручњак е меѓу кандидатите за функцијата во клубот од Леверкузен. Сепак, тој категорички одби таква можност и не ги обрзложи причините.
Бобан Бабунски, експресно замина од Шкупи каде заради проблемите и кризата фигурираше само на хартија и има нов ангажман.
Бабунски доаѓа во екипата на Работнички каде ќе соработува со новиот тренер Ердем, како еден од неговите први соработници, односно асистент на клупата.
Галатасарај му возврати на Фенербахче и ја искористи последната можност од летниот преоден рок за да донесе ново звучно засилување. Германскиот репрезентативец и поранешен капитен на Манчестер Сити, Илкај Гундоган, од денес е нов член на истанбулскиот гигант.
Искусниот играч за врска, кој со англискиот првак освои бројни трофеи, меѓу кои и Лигата на шампионите, пристигнува во Суперлигата со договор до 2027 година.
Јунус Муса е нов играч на италијанскиот елитен состав Аталанта. Тој доаѓа на позајмица од Милан со опција да му биде откупен договорот за вкупни 30 милиони евра доколку се остварат неколку услови.
„Росонерите“ го задржуваат правото да добијат и 10% од евентуалниот негов нареден трансфер.
По потписот на Доминик Ливаковиќ, Џирона доведе уште едно искусно засилување. Креативецот Брајан Хил целосно е откупен од Тотенхем за десет милиони евра и ќе игра за Џирона во следните три сезони.
Српскиот фудбалер Марко Грујиќ е нов играч на АЕК Атина, објави денес грчкиот клуб. Грујиќ (29) се приклучи на АЕК како слободен агент, откако му истече договорот со Порто, за кој играше во претходните пет сезони. Грчкиот клуб не изнесе детали за договорот на српскиот играч за врска, кој ќе го носи дресот со број четири во АЕК.
Секое лето, голем број трансфери пропаѓаат, но ова се издвојува. Многу „бомби“ беа пред активирање, но на крај поради различни причини истите беа стопирани.
Еве ја листата на Топ 10 „бомби“ што не експлодираа ова лето:
1. Душан Влаховиќ – Милан
2. Нико Вилијамс – Барселона
3. Родриго - Ливерпул, Арсенал, Баерн Минхен
4. Марк Геи, Ливерпул
5. Карлос Балеба - Манчестер Јунајтед
6. Адемола Лукман – Интер
7. Савињо – Тотенхем
8. Емилијано Мартинез - Манчестер Јунајтед
9. Рахим Стерлинг - Фулам, Вест Хем, Кристал Палас
10. Рендал Коло Муани - Јувентус
Јакуб Кивиор има нов клуб и ќе игра во Примеира. Дефанзивецот е прекуброен на „Емирати“ и Арсенал го позајми во Порто.
Андреа Белоти има нов клуб. Напаѓачот си замина од Комо и на база на перманентен трансфер потпиша за Каљару. Деталите од договорот не се познати за јавноста.
Манчестер Јунајтед во последниот ден од преодниот рок го договори голманот од Антверпен - Сен Ламенс. 23-годишниот чувар на мрежата веќе позираше со дресот на Манчестер Јунајтед и во клубот од „Олд Трафорд“ ќе остане најмалку до јуни 2030 година. Доаѓањето на Ламенс најверојатно ќе значи и заминување на еден од досегашните голмани во ростерот на Рубен Аморим.
Манчестер Сити во последниот ден од преодниот рок договори големо засилување на голманската позиција и постигна целосен договор со италијанскиот репрезентативец Џанлуиџи Донарума, кој потпиша на пет години.
Maкедонскиот голман Давид Денковски започнува интернационална кариера, откако се пресели во Босна и Херцеговина. Негов нов клуб ќе биде ХШК Посушје. 25-годишниот голман, висок 202 сантиметри, денес официјално потпиша договор со „сино-белите“ до летото 2026 година со опција за продолжување на уште една година.
Валенсија плати еден милион евра за едногодишна позајмица и доведе напаѓач на крајот од преодниот рок. Лукас Белтран доааѓа на „Местаља“ од Фиорентина каде не се изнаигра минатата сезона.
На крајот од преодниот рок Севиља доведе две бесплатни засилувања. Фабио Кардозо од Порто и Алексис Санчез од Удинезе доаѓаат во тимот на Матијас Алмеида.
Интер го доведе Мануел Аканџи од Манчестер Сити и мораше да се ослободи од еден дефанзивец. Бенжамин Павар одлучи да се врати во Франција и ќе биде позајмен во Олимпик Марсеј. Интер ќе добие 2,5 милиони евра за позајмица, а следното лето францускиот клуб ќе може да го откупи за 15 милиони евра.
По продажабата на Виса во Њукасл, Брентфорд остана без напаѓач, па во последните часови од преодниот рок мораше да реагира. Нов член на „црвено-белите“ е Рајс Нелсон, кој доаѓа на позајмица од Арсенал.
Премиерлигашот Вест Хем Јунајтед доведе уште една опција во средниот ред. Од Џенова во Лондон на позајмица доаѓа Максвел Корне.
Галатасарај не успеа да го доведе Едерсон, кој заврши во конкурентот Фенербахче, но мораше да бара друго решение. Голманот на турската репрезентација Угурчан Чакир доаѓа во шампионскио титм за сума од 30 милиони евра, плус три милиони во бонуси,.
Но, она што е сигурно е дека ова лето паднаа и најголемите „бомби“ во Европа. Најмногу се пазареше во Англија, што беше и за очекување, па оттаму во тимот на најскапи засилувања по позиции има најмногу фудбалери од Премиер лигата. Еве го тимот:
Порто донесе уште едно ново име на крајот од преодниот рок. Педро Лима доаѓа на „Драгао“ на позајмица од Вулверхемптон. Премиерлигашот минатото лето издвои десет милиони евра да го доведе од Спорт Ресифе.
Израелскиот репрезентативец Манор Соломон заминува на позајмица од Англија во Шпанија. Негов нов клуб е Виљареал, кој договори едногодишна позајмица од Тотенхем.
По серијата купувања шкотскиот гигант Глазгов Ренџес мораше и да продава. Сирил Десерс го напушти „Ајброкс парк“ и за 4,7 милиони евра потпиша за Панатинаикос.
Тунискиот репрезентативец Себастијан Тунект е нов член на Селтик. Првакот на Шкотска плати шест милиони евра и го доведе Тунект од Хамарби.
Откако пред неколку дена го раскина договорот со Реал Сосиедад, Шералдо Бекер потпиша за нов шпански прволигаш. 30-годишниот офанзивец се обврза на договор до 2030 година со Осасуна.
Репрезентативецот на Конго, Шансел Мбемба, во последните часови од преодниот рок го раскина договорот со Олимпик Марсеј и потпиша со Лион.
Италијанскиот прволигаш Удинезе доведе нов напаѓач. Сенегалец Идриза Геј доаѓа на „Фриули“ од Мец за десет милиони евра.
Рома а го ангажира дефанзивецот oд Полска од Легија, Јан Зиелковски. Договорот со 20-годишниот Полјак ќе биде валиден до летото во 2030 година.
Корпулентниот стопер во претходната сезона се појави на 28 натпревари, постигна два гола и запиша две асистенции.
Спортскиот директор Мончи и менаџерот Унаи Емери во голем стил го завршија преодниот рок. Астон Вила, која нема полна каса за трансфери, доведе три големи засилувања без да потроши ниту едно евро.
Како слободен фудбалер во одбраната доаѓа Виктор Линделоф од Манчестер Јунајтед, а од истиот клуб позајмен е и Џејдон Санчо. Позајмица на една сезона, но со задолжителен откуп од 35 милиони евра е издејствувана и за Харви Елиот од Ливерпул.
Шпанскиот репрезентативец Ајмерик Лапорт се враќа во Примера. По долг период во Англија и една сезона во Ал-Наср во Саудиска Арабија, Баскиецот се враќа дома. Во последните минути од преодниот рок Лапорт се врати во Атлетик Билбао.
Цеск Фабрегас доведе искусно засилување во одбраната. Од Фенербахче во Италија доаѓа бразилскито стопер Диего Карлос, кој се прослави играјќи за Севиља.
Нигерискиот напаѓач Самуел Чуквуезе е нов член на Фулам. Тој доаѓа во Лондон од Милан и тоа со формула на позајмица со право на откуп следното лето.
Откако пропадна трансферот на Хави Галан од Атлетико Мадрид, Нотингем Форест сепак успеа да пронајде бек на пазарот. Украинецот Олександар Зинченко доаѓа меѓу „шумарите“ од Арсенал, на позајмица до крајот на сезоната.
Голманот на хрватската репрезентација Доминкк Ливаковиќ се сели од Турција во Шпанија. Џирона го ангажираше на позајмица, откако Фенер го ослободи на една сезона.
Баерн Минхен го претстави последното засилување ова лето. Од Челзи на пзоајмица вредна 16,5 милиони евра пристигна Сенегалец Николас Џексон. Баерн ќе има можност да го откупи следната сезона за сума меѓу 65 и 80 милиони евра.
Ливерпул го потврди трансферот кој што фановите го очекуваа со недели. Александер Исак и официјално е нов фудбалер на шампионот во Премиер лигата. Трансфер-сагата траеше подолго време, а на крај „црвените“ попуштија и ја исполнија желбата на клубот од „Сент Џејмс Парк“. Исак на „Енфилд Роуд“ пристигнува за рекорден трансфер во Премиер лигата од 150 милиони евра.
Уште едно засилување во Нотингем. И уште една зделка на контроверзните бизнисмени Вангелис Маринакис и Џон Текстор. Нотингем (Маринакис) го донесе ЧЕТВРТОТО засилување од Ботафого (Текстор) ова лето. По дефанзивецот Заир, напаѓачот Игор Жесус и голманот Џон Виктор, нов член на Форест е левиот бек Кујабано кој беше платен 6.000.000 евра.
Само два дена откако го потпиша нашиот Бојан Миовски, екипата на Глазгов Ренџерс го засили нападот со уште еден фудбалер. На „Ајброкс“ стигна најскапото засилување на векот за Глазгов Ренџерс. „полицијците“ го потврдија трансферот на Јусуф Чермити од Евертон. Тој ги чинеше 9.250.000 евра во фиксни услови плус 2.300.000 како бонуси.
По продажбите на Симонс и Опенда, РБ Лајпциг конечно доведе нови лице ова лето. Данецот Конрад Хардер доаѓа во северна Германија од Спортинг за 26 милиони евра, со опција за уште четири милиони во бонуси.
Марк Геи не доби дозвола од Кристал Палас да потпише за Ливерпул! Капитенот на Палас ги помина медицински прегледи и ги договори личните услови со „црвените“, но лондонскиот клуб на крајот отфрли понуда од 42 милиони евра.
Причината е што трансферот на Игор од Брајтон, кој требаше да биде замена, пропадна. Извори од Островот пишуваат дека Геи е доста вознемирен и тешко ја прифатил оваа одлука, бидејќи веќе бил на „Енфилд“.
Бетис обезбеди две големи засилувања на последниот ден од преодниот рок. По потписот на Антони во нападот, Мануел Пелегрино доби големо засилување и во средниот ред, откако се договори за позајмица нза Софиан Амрабат од Фенербахче.
Милан успеа. Адриен Рабио е новиот член на „росонерите“. Трансферот од Марсеј вреди 10.000.000 евра со вклучени бонуси. Марсеј исто така ќе добие 30 проценти од следната продажба. Рабио ќе заработува помеѓу 4.500.000 и 5.000.000 евра нето по сезона во текот на четиригодишната соработка.
Ливерпул, Астон Вила и Њукасл се клубовите на кои им е даден дополнителен час за да ги завршат трансферите за кои побарале посебна дозвола. Станува збор за Марк Геи, Харви Елиот и Џоан Виса.
Ѓоргес Микаутадѕе од денес е нов фудбалер на Виљареал. Шпанскиот учесник во Лигата на шампионите се договори со Лион и премина во предградието на Валенсија. Деталите од договорот не се познати за јавноста.
Вардар го засили својот состав со ново име кое ќе биде огромно засилување – Давид Бабунски е официјално нов член на екипата.
Бабунски, кој е искусен играч со значително искуство на меѓународната фудбалска сцена, се очекува да донесе дополнителна креативност и стабилност во средниот ред на тимот.
Придружувањето на Бабунски доаѓа во период кога Вардар се подготвува за новите предизвици во домашните натпреварувања каде се посакува двојната круна.
Кочаелиспор се пофали со Дарко Чурлинов, кој ја заврши својата приказна со Барнли и се пресели во Турција. Репрезентативецот претходоо играше и за Шалке 04 и Јагјелонија.
Новиот клуб на македонскиот напаѓач, турски Кочаелиспор по првите четири кола од новата сезона сè уште нема победа и наговестува подобри времиња по репрезентативната пауза.
Илкај Гундоган ќе се раздели со Манчестер Сити и ќе стане слободен фудбалер. Со оглед на тоа што преодниот рок во Турција е отворен уште две недели, наскоро се очекува да стане нов член на првакот на оваа земја, Галатасарај.
Баер Леверкузен утрово го отпушти Ерик тен Хаг и има две недели до следниот првенствен натпревар да го пронајде неговиот наследник. Медиумите во Германија шпекулираат со имињата на Чави Хернандез и Един Терзиќ.
Јувентус и Атлетико Мадрид се договорија синоќа, а утрово шпанскиот клуб официјализираше - Нико Гонзалез е нов фудбалер на „јорганџиите“. Доаѓа на позајмица со право на откуп. Во договорот има и задолжителен откуп за 33 милиони евра ако фудбалерот одигра 50% од натпреварите во сезоната.
