Трансфери

Манчестер Сити го посакува дефанзивецот на олимпик Марсеј, Бубакар Камара. Гвардиола ќе издвои 30 милиони евра за 20-годишникот со огромен потенцијал, за кого силен интерес покажуваат уште Реал Мадрид и Милан.

Како што шпекулираат шпанските медиуми, Барселона ќе прави целосен ремонт во пресрет на наредната сезона. Во клубот ќе пристигнат Пјаниќ, Тринкао и младиот Педри, а ќе си заминат следните фудбалери:

barsaprodaja2020577732020200706181753.png

Осогово го донесе првото ново име во „жолто-синиот“ дрес за новата сезона во ВМФЛ Исток. Иако релативно млад, зад себе веќе има три сезони сениорски стаж.

Бекот беше еден од најдобрите играчи на шампионот Вардар во ПМФЛ за изминатата сезона и беше еден од најстандардните, меѓутоа клупската криза и неизвесност го направија своето.

Даниел Tиоун ќе го замени Дитер Хекинг како менаџер на Хамбург. Оваа екипа за еден бод извиси за плеј-оф дуел за пласман во Бундеслигата, па промените беа неминовни. Петкратниот шампион на Германија му останува одново да се бори за враќање во елитата.

Daniel #Thioune wird neuer Chef-Trainer des HSV Der 45-jährige Übungsleiter wechselt vom VfL Osnabrück in den #Volkspark

Mehr dazu in wenigen Momenten auf https://t.co/MNKpDimmLU #nurderHSV pic.twitter.com/7y5CWGUTol

— Hamburger SV (@HSV) July 6, 2020

Феенорд потпиша договор со Брајан Линсен кој како слободен играч ќе се приклучи на екипата. 29-годишниот крилен играч доаѓа од редовите на Витесе, а се обврза на верност до 2023 година. 

Deal = DONE.

#LinssenSigned pic.twitter.com/iSr2b3FPTZ

— Feyenoord Rotterdam (@Feyenoord) July 6, 2020

Фудбалерот на Рома, Диего Пероти ја разгледува можноста да се врати во татковината. Таткото на фудбалерот откри дека Бока Јуниорс е заинтересирана за напаѓачот, а фудбалерот е одушевен од можноста да заигра за славниот клуб од Буенос Аирес. 

Екипата на Ренова освен продолжувањата на договорите од главните играчи и доведувањето на нови имиња, размислува и за иднината. Клубот од Џепчиште го врза младиот Фестим Ебиби кој го потпиша својот прв професионален договор и се обврза на верност од три години. 

Умар Садик се наоѓа пред потпис со Лил за сума од15 милиони евра. Ако Лил го продаде Виктор Осимен во Наполи за 50 милиони, брзо ќе го официјализира преминот на фудбалерот на Партизан во своите редови. Пред да дојде во Србија, Садик настапуваше за неколку клубови од Серија А. 

Медиумите во Шпанија пишуваат дека Мануел Пелегрини се согласил на двегодишен договор со шпанскиот прволигаш Бетис. Чиленаецот наскоро ќе дојде во Севиља да го потпише договорот, а како негова „десна рака“ ќе го поведе Мартин Демикел, неговиот поранешен фудбалер од Малага и Манчестер Сити. 

Некогашниот дефанзивец на Јувентус и италијанската репрезентација, Никола Легротаље не е повеќе тренер на италијанскиот второлигаш Пескара. Младиот тренер освои само 13 бода од исто толку натпревари и неминовна беше разделбата. 

Екипата на Ренова продолжи со активностите на стартот на подготовките и обнови договор со уште еден играч. Дел од „гипсарите“ во иднина ќе остане Ремзифаик Селмани. 23-годишникот беше најдобар играч на тетовчани кога се работи за листата на стрелците, па двете страни се договорија за продолжување на соработката на уште една година.

Хрватскиот фудбалер Домагој Вида во новата сезона може да игра во Серија А. Дефанзивецот кој е дел од Бешикташ не прифатил намалување на платата и може да замине во Рома. Вида заработува три милиони евра по сезона, но поради кризата тоа е премногу за турскиот клуб.

Иван Ракитиќ е сè подалеку од „Камп Ноу“. Шпанските медиуми пишуваат дека Барселона сака уште ова лето да се ослободи од хрватскиот играч за врска, затоа што ѝ е последна шанса за да заработи од неговиот премин, бидејќи актуелниот договор истекува во јуни 2021 година. За услугите на Ракитиќ се заинтересирани неколку европски гиганти, а за најсериозни се споменуваат Интер, Милан и Арсенал.

Германскиот бундеслигаш Баерн Минхен ќе се обиде да донесе нов млад играч во своите редови. Се работи за 19-годишниот дефанзивец од Лион, Мелвин Бард. „Баварците“ сакаат да го донесат, па да го пратат во вториот тим на калење, за во иднина да добијат нов квалитетен првотимец.

Директорот на Лајпциг, Оливер Минцлаф тврди дека еден од најдобрите фудбалери на тимот, Дајот Упамекано и следната сезона останува во клубот. 

„Сигурен сум дека и следната сезона ќе биде дел од Лајпциг“, рече Минцлаф.

Одличниот стопер беше поврзуван со многу екипи, а за најсериозен кандидат за неговиот потпис се поврзуваше Арсенал.

Иако беше на излезни врати од „Олд Трафорд“ и беше поврзуван со трансфери во неколку европски гиганти, сепак, Немања Матиќ ќе остане во Манчестер Јунајтед.  Како што објавуваат британските медиуми, српскиот ас за краток период го натерал менаџерот Оле Гунер Солскјер да го промени своето мислење за него и да побара од раководството на клубот за продолжување на соработката до 2023 година.

Откако е повеќе од јасно дека Сергеј Милинковиќ-Савиќ ова лето ќе го напушти Лацио, италијанскиот гигант имаше поставено цел дека нема да го продаде за сума помала од 100 милиони евра. Но, како што пренесуваат медиумите од „чизмата“ набргу сфати дека бараните средства се високи и сега наводно ја спуштил цената на 70 милиони евра. Ова сигурно е одлична вест за ПСЖ и Манчестер Јунајтед кои сериозни пројавиле интерес за услугите на српскиот ас.

Момчето кое го привлече внимението на цела Европа, 16-подишниот напаѓач на Лион, Рајан черки ќе го продолжи договорот со својот матичен клуб до 2023 година. Ова момче веќе дебитираше за првиот тим на Лион и го привлече вниманието на цела Европа. 

Искусниот хрватски напаѓач Марио Манџукиќ и официјално ќе се врати во Европа, по кратката авантура во Катар, каде настапуваше за Ал Духаил. Поранешниот член на Јувентус, Баерн Минхен и Атлетико Мадрид пред шест месеци ја напушти „старата дама“ и се пресели во Катар, но ова лето ќе има нов клуб, кој најверојатно ќе биде од Серија А. За негивоите услуги се заинтересирани неколку калчолигаши, како и турските гиганти Галатасарај и Фенербахче. 

Крилниот фудбалер на Њукасл Јунајтед, Сен Максимин би можел да ја заврши својата авантура на „Сент Џејмс Парк“. За него постои интерес од бројни клубови меѓу кои и великани како ПСЖ, Тотенхем, Арсенал и Наполи. Иако засега нема официјални понуди, Њукасл ќе има тешка задача да го задржи овој фудбалер во своите редови. 

Немања Матиќ по сè изгледа ќе потпише нов договор со Манчестер Јунајтед кој ќе важи до 2023 година. Според угледниот новинар Џанлука Ди Марцио, „ѓаволите“ се убедени во квалитетите на Србинот и сакаат да го задржат во своите редови и покрај шпекулациите дека ќе замине од Манчестер. 

Екипата на Тотенхем по крајот на сезонава ќе тргне по договорите на два 18-годишни фудбалери од Виган. Според „Сан“, Даниел Леви и Тотенхем сака во своите редови да ги види Џо Гелхардт кој игра на позицијата напаѓач и Јенсен Веир кој е играч за врска.