Централниот дефанзивец на Јувентус, Тиаго Џало, сезоната ќе ја помине на позајмица во Порто.
Фудбалерот се приклучи на Јувентус во последниот зимски преоден рок и потпиша договор до крајот на јуни во 2026 година. 24-годишниот дефанзивец во претходната сезона се соочи со потешка повреда и учествуваше на само еден натпревар.
По завршувањето на Копа Америка беше извесно, а сега е и официјално. Луис Суарез објави дека се повлекува од националниот тим на Уругвај. Тој ќе ги „закачи копачките на клин“ по квалификацискиот натпревар за Светското првенство во 2026 година против Парагвај во Монтевидео.
„Не беше лесно да се донесе оваа одлука, но тоа го правам со мир на умот дека ќе го дадам максимумот во последниот натпревар за Уругвај“, рече низ солзи Суарез.
Откако во последен момент пропаднаа неговите трансфер или во Челзи или во Ал-Ахли, поради причини кои само тој и неговиот клуб ги знаат, Виктор Осимен беше отстранет од првиот тим на поранешниот италијански шампион. Но, последните информации од „чизмата“ велат дека одличниот напаѓач, сепак, ќе го напушти Неапол.
Наводно, Галатасарај пројавил интерес за услугите на Осимен. Се работи за позајмица од една година, но за оваа зделка да се реализира ќе треба турскиот клуб ја прифати високата годишна плата на Нигериецот, која што изнесува 11 милиони евра.
Осогово по само три одиграни кола се раздели со тренерот Добринко Илиевски. Тимот од Кочани новата сезона во Втората македонска фудбалска лига не ја започна според очекувањата и цехот за тоа го плати искусниот стратег.
Осогово сè уште е без победа, има два порази и едно реми, а разделбата со Илиевски доаѓа по убедливиот пораз од Кожуф од 4-1. Клубот и македонскиот тренер договорот го раскинаа спогодбено.
Бобан Николов има нов клуб и кариерата ќе ја продолжи во Борац Бања Лука. Штипјанецот денес беше претставен во Босна и Херцеговина.
Иако постоеја разговори за камбек во Вардар, договорот не се реализира. Николов ќе игра во Конференциската лига на УЕФА, заедно со Дамјан Шишковски и Себастијан Херера. За Николов, БиХ ќе биде петта странска земја по Романија, Италија, Унгарија и Молдавија.
30-годишниот играч за врска е дете на Брегалница Штип. Сениорската кариера ја започна во Виторул Констанца. Потоа настапуваше за Вардар, Фехевар, Лече, Шериф и ФЦСБ, а минатата сезона го носеше дресот на унгарска Кишварда.
Партизан остана без еден од најдобрите фудбалери во тимот. Матеус Салдања, кариерата ќе ја продолжи во Ференцварош. Унгарскиот клуб ќе му плати на Партизан пет милиони евра плус бонуси за трансферот на Салдања, со што ќе стане убедливо најскапиот играч во историјата на тамошниот фудбал.
Вардар експресно го промовира новиот тренер, кој ќе биде трет во тековната сезона на ПМФЛ.
По Горазд Михајлов кој си поднесе оставка и неславните два меча на Горан Петрески, клупата на вардарци ја презема Срѓан Захариевски. 50-годишниот стручњак ќе го поведе „црвено-црниот“ колектив и ќе има две седмици за воигрување, за време на репрезентативната пауза.
На повидок е голем трансфер во белгискиот фудбалски шампионат. Данецот Кристијан Ериксен има понуда од белгискиот гигант Андерлехт и би можел да тргне во таа насока, тврдат белгиските медиуми.
32-годишниот плејмејкер не е главен играч во формацијата на Ерик Тен Хаг и во првите три натпревари од сезоната беше на клупата и не влезе во игра. Со потписот на Мануел Угарте од Пари Сен Жермен, Данецот е затворен и не би му пречело да го напушти „Олд Трафорд“.
Македонскиот интернационалец Бобан Николов има нов клуб и кариерата ќе ја продолжи во странство. Играчот се договори со Борац Бања Лука и продолжува во БиХ.
Иако постоеја разговори за камбек во Вардар, договорот не се реализира. Николов ќе игра во Конференциската лига на УЕФА, заедно со Дамјан Шишковски и Себастијан Херера.
Брера Струмица реши дека е време за тренерска смена и тоа ќе го направи за време на репрезентативната пауза.
Трите последователни порази ги запалија алармите во Струмица, па клубот и доскорешниот тренер Бојан Круљ ја прекинаа соработката. Српскиот тренер заедно со неговите помошници Душан Дошљак и Милош Поповиќ повеќе нема да работат во Брера. Тоа го потврди клубот преку социјалните мрежи, а образложение даде генералниот директор Ване Стојанов.
Ал-Феиха од Саудиска Арабија е заинтересиран за играчот на Рома Крис Смолинг.
Трансферот треба да биде комплетиран во следните неколку дена, а римскиот клуб ќе добие отштета.
Нов тренер на најтрофејниот македонски фудбалски клуб Вардар ќе биде Гоце Седлоски и тоа на најавената репрезентативна пауза во септември.
Човекот со 100 настапи во дресот со државниот грб во моментов е без ангажман, а последен клуб кој го предводеше беше Работнички. На кормилото на вардарци, Гоце Седлоски доаѓа на местото на Горан Петрески - Чунга Лунга, кој си замина по два меча. Претходно, Вардар оваа сезона го водеше и Горазд Михајлов.
Ин-Беом Хванг дефинитивно ја напушта Црвена Звезда, откако реши да замине во Холандија, а меѓу Ајакс и Феенорд го избра клубот од Ротердам.
Преговорите на Хванг со холандските клубови траеја долго во изминатите денови, а Звезда имаше голема желба да го задржи. Сепак, дефинитивната одлука на корејскиот играч беше да си замине до крајот на трансфер периодот.
Виктор Осимен се веруваше дека сигурно ќе го напушти Наполи и за многу сериозна сума, а се споменуваа огромни бројки од над 100 милиони евра.
На крајот, по многу прашања, понуди и преговори, не замина, а сега дури се најде во шокантна ситуација да биде надвор од тимот на новиот тренер Антонио Конте. Тоа го потврди и самиот стратег по триумфот на Наполи над Парма
„Ниту еден играч нема да биде вратен во тимот. Оние кои се надвор од проектот ќе останат надвор од него. Ние го направивме нашиот избор и сите ќе работиме во оваа насока. Задоволен сум од работата што клубот ја направи на пазарот. Да беше продаден Осимен, ќе ја комплетиравме ситуацијата, но јас и вака сум среќен“, кажа Конте.
По вчерашната тренерска смена во Бенфика и заминувањето на Роџер Шмит, клубот од Лисабон е во обид да пронајде нов предводник. Според италијанските медиуми фаворит е Масимилијано Алегри, кој до крајот на мај го водеше Јувентус.
Турските медиуми пишуваат дека Галатасарај е фаворит за потписот на Адриен Рабио. Турскиот гигант го продаде Заха и ослободи место за висока плата на Французинот. Претходно пропадна трансферот на Рабио во Милан, бидејќи италијанскиот клуб не успеа да го продаде Бенасер.,
Пазарот на слободните агенти и отворен, а уште има време за пријава на фудбалерите кои ќе играат во европските клупски натпреварувања. Црвена Звезда го продаде Хванг во Холандија, а како замена го сака Раде Круниќ. Босанецот е слободен фудбалери по раскинот со Фенербахче и преговара со првакот на Србија.
Рик Карсдорп е нов фудбалер на ПСВ Ајндховен. Десниот бек ја напушта Рома по две сезони и се враќа во Ередивизие. Првакот на Холандија го доведе без обештетување, откако му истече договор со „волчицата“.
Ден по шокантниот пораз од екипата на Воска Спорт од 1-3 , шефот на стручниот штаб Петрески, заедно со своите помошници, ја презедоа одговорноста за двата последователни порази и поднесоа неотповиклива оставка, заблагодарувајќи ѝ се на управата на клубот за укажаната доверба, која за нивна жал не резултираше во посакуваниот правец
Џејдон Санчо и официјално е претставен како нов фудбалер на Челзи. Тој доаѓа од Манчестер Јунајтед и веќе официјално е претставен во новата средина. Своето деби Санчо го очекува попладнево против Кристал Палас.
Лукас Окампос не е во плановите на Севиља за новата сезона. Неговиот договор е раскинат и тој е слободен да ја избере својата иднина. Мексиканските клубови се фаворити за потписот на Аргентинецот.
Стоперот Абдел Руатубјаје не е повеќе играч на Шкупи, соопшти клубот на социјалните мрежи. Причините за разделбата не беа обелоденети, но секако дека ова е голем удар за Шкупи. Искусниот дефанзивец во неделата го одигра целиот натпревар против Силекс, кој тимот од Чаир го загуби со 2-1.
Како големо изненадување одекна веста дека Цезар Мануел Руи Коста донесе одлука да го отпушти тренерот Роџер Шмит. Бенфика имаше лош почеток на Примеира и цената ја плати предводникот.
Македонскиот прволигаш Работнички се раздели со крилниот фудбалер Петар Петковски. 27-годишникот кој настапи во првите две кола на ПМФЛ по вторпат замина од Работнички и се враќа да настапува во Романија. Негов старо-нов клуб ќе биде Конкордиа која се натпреварува во втората романска лига.
Откако пропадна можноста да потпише за Галатасарај, Марио Хермосо е на чекор до потпис со Рома. Со оглед на тоа што се работи за слободен фудбалер, може во секој момент да потпише и да дебитира за „волчицата“:
Грчкиот вицешампион ПАОК доведе познато име во своите редови. Се сеќавате ли на Тиемуе Бакајоко, кој блесна во дресот на Монако, а потоа не се снајде најдобро во Милан и Челзи? Французинот го напушти Лориент и за еден милион евра потпиша за ПАОК.
Саудискиот клуб Ал-Ахли официјално го објави потписот на Ајван Тони. Напаѓачот потпиша договор до 2028 година. Се очекува Брентфорд да добие 40 милиони фунти за англискиот репрезентативец.
Новиот напаѓач на Наполи, Ромелу Лукаку отсега ќе го носи дресот со број девет. Виктор Осимен и понатаму е дел од наполитанците по неуспешниот трансфер во Челзи и Ал-Ахли, но не е во плановите на управата и тренерот Антонио Конте.
Манчестер Јунајтед го комплетира трансферот на Секу Коне од Мали. 18-годишникот ќе биде платен нешто повеќе од еден милион евра, а веќе пристигна во Манчестер и парафира договор.
Александар Коларов е блиску да ја преземе функцијата селектор на репрезентацијата до 21 година. Љубинко Дурловиќ е пред отказ, а поранешниот ас на Манчестер Сити и Лацио треба да го преземе неговото место.
По Роберто Манчини, кој ја води сениорската репрезентација, уште еден италијански тренер замина во земјата на „бедуините“. Луиџи ди Бјаџо е нов селектор на У21 селекцијата на Саудиска Арабија.
Стоперот на Вест Хем, Курт Зоума доби дозвола да замине и ќе настапува во Саудиска Арабија. Дефанзивецот оди на позајмица на Блискиот Исток, каде што ќе настапува за екипата на Ал-Оробах.
Се појави шпекулации дека Комо може да го продаде Рафаел Варан. Французинот не е пријавен за натпреварите од Серија А, што е лош сигнал за фудбалерот и новиот калчолигаш. Варан заради повреда не настапи на првите два натпревари на Комо во Серија А.
Младиот Омар Рекик и Арсенал официјално ја прекинаа соработката. 22-годишниот дефанзивец ќе побара нова средина за сезонава.
Младиот Самуел Мбангула е пред продолжување на договорот со Јувентус. Младиот фудбалер постигна гол во натпреварот против Верона и веднаш доби опција својот договор да го зголеми до 2029 година.
Македонскиот прволигаш претстави уште едно засилување во своите редови. Тетовчани доведоа освежување во офанзивата и потпишаа договор со искусниот Лиридон Латифи.
Станува збор за 30-годишен фудбалер кој може да ги покрие двете крилни позиции. Во својата богата кариера има настапувано за повеќе од десет клуба, претежно во Албанија и Косово. Негов последен е Тирана, од каде пристигна во Шкендија.
Германскиот стручњак Бруно Лабадија по три дена ја напушти функцијата селектор на Нигерија, соопшти Фудбалскиот сојуз на таа африканска земја.
Како што беше најавено, договорот со Лабадија, кој беше потпишан пред три дена, е раскинат бидејќи Германецот побарал од ФСН да ги покрие и трошоците за данокот на плата, што било одбиено и договорот бил раскинат.
Доцна синоќа пристигна потврда од „Крејвен Котиџ“. Откако Арсенал го договори Стерлинг, Рајс Нелсон беше испратен на едногодишна позајмица во Фулам..
Три засилувања за Рафаеле Паладино на крајот од преодниот рок. Фиорентина на позајмица ги доведе Едоардо Бове од Рома, Данило Каталди од Лацио и Робин Госенс од Унион Берлин.
Најскапиот фудбалер во историјата на Реал Сосиедад е Исланѓанец. Ори Оскарсон доаѓа во Сан Себастијан за 20 милиони евра. Овој напаѓач се афирмираше во Копенхаген.
Наполи доведе и втор шкотски интернационалец во летниот преоден рок. По Скот Мектоминеј, нов член на екипата на Антонио Конте е Били Гилмор. Тој доаѓа од Брајтон, кој за трансферот ќе заработи 14 милиони евра.
По елиминацијата од Лигата на шампионите, Галатасарај се одлучи да се ослободи од високата плата на Викфред Заха, Африканецот заминува во Лион на позајмица, а неговата висока плата од 7,5 милиони евра ќе ја плаќаат Французите.
Самуел Жиго има нов клуб. Французинот го напушти Олимпик Марсеј, каде не добива шанса од Де Зерби, и потпиша за Лацио. Римскиот клуб го ангажираше на позајмица од една сезона.
Џејмс Вард-Праус има нов клуб. Доаѓањето на Карлос Солер во Вест Хем значеше дека за изведувачот на слободни удари број еден во Премиер лигата нема место меѓу „чеканите“. Нотингем Форест го обезбеди потписот на Џејмс Вард-Праус на позајмица од една сезона.
Новиот шпански прволигаш Леганес доведе големо засилување. Првакот на Африка со Брегот на слоновата коска, Себастијан Але, како слободен фудбалер потпиша за Леганес. Овој фудбалер минатата сезона играше за Борусија Дортмунд.
Омилениот клуб на Џовани Ло Селсо, шпански Бетис, одново успеа да го прибере Аргентинецот и вечерва го откупи неговиот договор од Тотенхем за само четири милиони евра. Несудениот светски првак се враќа во клубот во кој веќе еднаш беше на позајмица од ПСЖ во 2018 година.
24-годишникот не беше во плановите на Постекоглу и продажбата беше неминовна.
Албанскиот репрезентативец Недим Бајрами е нов фудбалер на Глазгов Ренџерс. Шкотскиот гигант му плати четири милиони евра на Сасуоло и го доведе Бајрами во последните минути од преодниот ток.
Иако се предвидуваше дека ќе заврши во Марсеј, напаѓачот Еди Нкетиа и следната сезона ќе тресе мрежи во Премиер лигата. Арсенал го продаде овој млад напаѓач во Кристап Палас за 35 милиони евра, вклучувајќи ги и бонусите.
Џејдон Санчо е пред потпис со Челзи. Британските медиуми пишуваат дека поранешниот англиски репрезентативец до крајот на преодниот рок ќе потпише за „сините“. Засега не се знаат деталите од овој трансфер.
