Тенис

Милош Раониќ победи на АТП турнирот во Бризбејн, Австралија. Канадскиот тенисер во финалето беше поуспешен од фаворитот, Роџер Федерер со 2-0 (6-4,6-4).

Српскиот тенисер, Новак Ѓоковиќ е победник на АТП турнирот во Доха, Катар. Србинот беше убедлив во финалето, победувајќи го Рафаел Надал со 6-1, 6-2.  

Рафаел Надал денес ќе го игра првото финале на еден АТП турнир оваа сезона. Во Доха негов противник ќе му биде најдобриот тенисер на денешницата, Новак Ѓоковиќ. Пред финалето Надал изјави дека во овој дуел влегува со многу самодоверба, по одлично одиграните натпревари оваа недела.

Австралија е вториот финалист од Хопман купот, откако во трилер меч, успеа да ја совлада екипата на Франција. 

Швајцарецот Роџер Федерер успеа да се пласира во полуфиналето на АТП турнирот од серијата 250 во Бризбејн, по тешката победа над Бугаринот, Григор Димитров од 2-1 (6-4, 6-7, 6-4). Мечот беше изедначен, а победникот го решија нијанси, што покажува и вкупната статистика на крајот. Федерер мечот го заврши со 28 директни поени и 26 грешки, а Димитров имаше 30 директни поени и 27 грешки. 

Најдобар тенисер на светот Новак Ѓоковиќ се пласира во полуфиналето на турнирот во Доха откако извојува победа над Леонардо Мајер од Аргентина со 6-3, 7-5. Тој за пласман во финалето ќе се бори со победникот од дуелот помеѓу Томаш Бердих и Кајл Едмунд. 

Тениската репрезентација на Украина се пласира во финалето на Хопман купот кој се одржува во Перт, Австралија. Овој куп важи за неофицијално светско првенство каде настапуваат мешани парови. 

Невообичаен инцидент се случи синоќа на женскиот тениски турнир во Оукленд на мечот помеѓу Броди и Остапенко во тај-брејкот. Остапенко во обид да спаси една топка го фрли рекетот, кој погоди собирач на топчиња. Ако се погоди судија, скоро секогаш по стриктните правила тенисерот или тенисерката ќе биде дисквалификуван(а).

Новак Ѓоковиќ и полесно од предвиденото се пласира во четвртфиналето на турнирот во Доха. Добивајќи ги двата сета против Шпанецот, Фернандо Вердаско со по 6-2, Србинот обезбеди нареден круг и таму ќе се сретне со Леонардо Мајер од Аргентина, кој во два сета го доби Шпанецот Пабло Андухар со 6-4, 6-4.