Зверев по голема борба го надигра Шварцман за прва победа во Лондон

Најдобриот германски тенисер Александар Зверев по поразот на стартот од Медведев, вечерва ја запиша првата победа на завршниот Мастерс во Лондон, откако по повеќе од два часа и во три сета беше поуспешен од Диего Шварцман од Аргентина (6-3, 4-6, 6-3).

Помладиот тенисер, иако не така убедливо го отвори дуелот во „О2 Арена и прв загуби гем на свој сервис, веднаш се созеде и со ри-брејк и нов брејк си создаде предност која подоцна му донесе водство во сетови од 1-0 (6-3).

Но, поискусниот Аргентинец не се предаде и покажа зошто е меѓу најдобрите тенисери на денешницата и речиси идентично како Зверев во првиот сет, стигна до израмнување од 1-1. Германецот беше тој кој прв направи брејк (2-1), но потоа Шварцман со два одземени гема на противнички сервис се избори за одлучувачки сет (6-4).

Сепак, во клучниот период од дуелот Зверев беше на висината на задачата и наметна темпо на игра кое беше недостижно за противникот, па со два брејка и 6-3 се избори за прва победа во групата А.