• Саше Љолес
Германецот Александар Зверев, по освоениот прв Грен слем трофеј во кариерата, изјави дека конечно му се исполнил детскиот сон и среќен е што влегол во одбрано друштво на тениски великани.
Зверев го совлада Флавио Коболи со 3-2 во финалето на Ролан Гарос и конечно се закити со титула од најпрестижните АТП турнири.
„Мислам дека овој момент нема да го заборавам никогаш. Остварување на детскиот сон, ова беше голема мечта за мене. Конечно сум таму каде што посакував, се надевам дека оваа титула е само мотив повеќе за натамошните предизвици.
Му честитам на Коболи, одигра одличен турнир и првпат се пласираше во Грен слем финале. Од срце ти честитам и ти посакувам наскоро да го освоиш трофејот. Голема пофалба и за мојот тим, кој беше секогаш со мене и ми даваше поддршка. Истото важи и за тимот на ривалот.
Грен слем турнирите се сон на секој тенисер. Тука се чувствувам секогаш добредојден, Париз е прекрасен град, со прекрасна публика. Честитки за сите вложувања во инфраструктурата, овој турнир е меѓу најдобрите на светот“, заклучи Зверев.
Германскиот тенисер конечно го сруши „проклетството“ и се искачи на највисокото место на пиедесталот, кога се работи за најсилните турнири во АТП календарот.
