• Горан Упале
Александар Зверев е првиот финалист на овогодишното издание на Вимблдон, откако во полуфиналето без поголеми проблеми го совлада британскиот тенисер Артур Фери со 3-0 во сетови (7-6, 6-2, 6-4).
Германецот најголем отпор доби во првиот сет, кој беше решен во тај-брејк. Таму Зверев одигра маестрално и со убедливи 7-0 го направи првиот чекор кон победата. Во продолжението целосно го контролираше натпреварот, не му дозволи на домашниот миленик да се врати во игра и по два часа и 14 минути обезбеди место во големото финале.
За Зверев ова ќе биде прво финале на Вимблдон во кариерата, со што стана финалист на сите четири Грен слем турнири. Германскиот ас ќе има можност да ја освои втората Грен слем титула во кариерата, откако пред еден месец триумфираше на Ролан Гарос.
Во неделното финале, третиот светски рекет ќе се соочи со победникот од второто полуфинале, во кое силите ќе ги одмерат Новак Ѓоковиќ и Јаник Синер.
