• Горан Упале
Американската тенисерка Венус Вилијамс и нејзината канадска партнерка во двојки Лејла Фернандез не успеаја да се пласираат во полуфиналето на Отвореното првенство на САД во Њујорк, oткако загубија од американско-чешките двојки Тејлор Таунсенд и Катерина Сињакова во два сета, 1-6, 2-6.
Првите носителки Таунсенд и Сињакова победија по 56 минути, а по натпреварот, навивачите ја поздравија 45-годишната Вилијамс со стоечки овации, додека Таунсенд и Сињакова им се придружија на аплаузот.
„Растејќи, ги гледав Венус и (нејзината сестра) Серена, и за мене и мојата сестра, тоа беше инспирација. Беше чест да го делам теренот со неа“, рече Таунсенд.
Вилијамс беше најстарата натпреварувачка во поединечна конкуренција на УС Опен од 1981 година, кога Рене Ричардс се натпреваруваше на 47-годишна возраст.
Тоа беше првиот Грен слем турнир на Вилијамс по пауза од две години. На „Флашинг Медоус“, таа се натпреваруваше во поединечна конкуренција и во мешани двојки, стигнувајќи до првото коло во двата дисциплини.
