• Иван Димовски
Стан Вавринка го одигра последниот Грен слем-меч во кариерата. Швајцарецот загуби од Матео Беретини со 7-6, 7-6, 6-0 во првото коло на УС Опен.
Иако резултатот не го покажува тоа, Вавринка долго му парираше на Италијанецот. Првите два сета ги одлучија тај-брејкови, но Беретини беше посконцентриран во завршниците. Во третиот сет Швајцарецот остана без одговор и не освои ниту еден гем.
За 41-годишниот Вавринка ова беше 18-то учество на УС Опен и последно појавување на Грен слем турнирите. На крајот од сезоната тој планира да стави крај на кариерата, во која освои три Грен слем-титули: Австралија Опен (2014), Ролан Гарос (2015) и УС Опен (2016).
По крајот на мечот Италијанецот побара аплаузи на отворена сцена за швајцарскиот тенисер.
End of an era in NYC
Berrettini puts an end to Wawrinka's final US Open appearance to book his place in Round 2. pic.twitter.com/3BmazED8DX
— US Open Tennis (@usopen) August 31, 2026
Беретини во второто коло ќе се сретне со Аргентинецот Маријано Навоне.
