• Горан Упале
Новак Ѓоковиќ доживеа историски пораз на УС Опен, откако за првпат во кариерата беше елиминиран уште во првото коло на турнирот во Њујорк.
Српскиот тенисер имаше сериозни физички проблеми во текот на мечот. Ѓоковиќ повраќаше најмалку трипати, користеше инхалатор и земаше апчиња, но и покрај тешкотиите одбиваше да се предаде и се бореше до последниот поен. По поразот, Ѓоковиќ призна дека проблемите со физичката состојба го следат речиси цела сезона.
„Беше очигледно дека имав ужасно чувство на теренот. Тоа е нешто што го носам на речиси секој натпревар оваа година. Целото тело почнува да ми се распаѓа. Имам грчеви и болка. Грбот и рамото едноставно се откажаа на крајот“, изјави Ѓоковиќ.
Ова е негов прв пораз во првото коло на еден Грен слем уште од Австралија Опен во 2006 година, кога загуби од Пол Голдстин. Поразот во Њујорк повторно ја одложи неговата потрага по рекордната 25 Грен слем титула.
