• Саше Љолес
Јаник Синер нема да настапи на мастерс турнирот во Шангај, откако најдобриот тенисер во светот потврди дека повредата на десното колено сè уште не му дозволува да се врати на терените.
Италијанецот не игра уште од Вимблдон, а неговото отсуство од турнирот во Кина може дополнително да ја искомплицира борбата за првото место на АТП-листата.
Синер преку социјалните мрежи им се обрати на навивачите и потврди дека нема да биде дел од турнирот.
„За жал, оваа година нема да можам да играм на турнирот во Шангај, иако многу се надевав дека ќе бидам таму. Секогаш уживам кога играм пред навивачите во Шангај и многу ми е жал што следната недела нема да можам да бидам со вас. Ви благодарам на сите за поддршката. Со нетрпение очекувам повторно да ве видам следната година“, напиша Синер.
Италијанскиот тенисер има убави спомени од Шангај, бидејќи минатата година таму стигна до титулата. Во финалето Синер го совлада Новак Ѓоковиќ.
Мастерсот во Шангај годинава ќе се одржи од 7 до 18 октомври, а вкупниот награден фонд изнесува 9.415.725 долари.
