• Горан Упале
Арина Сабаленка е на врвот на ВТА-листата речиси две години, но по УС Опен би можела да ја загуби лидерската позиција. Најголема закана за Белорусинката е Елена Рибакина, која во Њујорк брани многу малку бодови.
Ситуацијата е поинаква за Сабаленка, која ги освои последните две изданија на УС Опен и сега има огромен број бодови за бранење. Таа признава дека е тешко целосно да се избегне притисокот кога првото место е во прашање.
„Луѓето веројатно не разбираат колку е тешко, ментално и физички, да го одржувате нивото и да останете фокусирани. Штом почнете да размислувате за тоа, го губите фокусот“, изјави Сабаленка.
Токму затоа првата тенисерка во светот се обидува да ги игнорира сите калкулации околу ВТА-листата и да се концентрира единствено на својата игра.
„Целосно се исклучувам од сето тоа, бидејќи се само шпекулации. Се фокусирам исклучиво на себе“, порача Сабаленка.
Белорусинката е на врвот на ВТА ранг-листата од 6 октомври 2024 година, но ќе мора да ја продолжи својата победничка серија и оваа сезона во Њујорк, ако сака да го одбие нападот на Рибакина и да го задржи својот трон.
