• Иван Димовски
Ноќва се одиграа двете полуфиналиња во женскиот дел од турнирот во Индијан Велс.
Елена Рибакина приреди големо изненадување, бидејќи ја совлада Ига Швјонтек со 2-0 (6-2, 6-2). Најдобрата светска тенисерка беше немоќна против расположената Казахстанка. Првиот сет Рибакина го реши со два брејка, додека во вториот зеде еден повеќе, но и загуби еден гем на свој сервис.
Арина Сабаленка ја оправда фаворитската улога и ја совлада Марија Сакари со 2-0 (6-2, 6-3). Белоруската тенисерка ќе го нападне трофејот во финалниот меч со Рибакина, откако за час и 25 минути ја реши противничката од Грција.
Финалето се игра в недела во терминот од 23:00 часот.