Норвешкиот тенисер Каспер Руд е вториот финалист на овогодишниот Ролан Гарос. По долгоочекуваното полуфинале меѓу Ѓоковиќ и Алкараз, на кое младиот шпански ас поради повреда не можеше да го следи ритамот на големиот шампион, ниту второто полуфинале не донесе поголеми возбудувања и неизвесност. Четвртиот тенисер на светот покажа квалитет и буквално го „здроби“ Германецот во три сета (6-3, 6-4, 6-0).