Новак Ѓоковиќ се пласира во големото финале на францускиот Грен-Слем, Ролан Гарос. Во полуфиналниот дуел славеше победа над првиот светски рекет Карлос Алкараз, кој се здоби со незгодна повреда во текот на мечот.
Спектакуларното полуфинале на Ролан Гарос заврши со победа на Новак Ѓоковиќ над Карлос Алкараз со 3-1 (6-4, 5-7, 6-1, 6-1). По два неверојатни сета надигрување на тениските великани, шпанскиот ас се повреди и мечот го доигра резервирано, па Србинот релативно лесно ги освои третиот и четвртиот сет. Ѓоковиќ ќе се бори за трофејот во Париз, со што може да се одлепи пред Надал на „вечната листа“.
Тенискиот спектакл во полуфиналето на Ролан Гарос беше окарактеризиран како „финале пред финалето“, а тоа се потврди и со квалитетот на играта. Карлос Алкараз и Новак Ѓоковиќ ги забавуваа навивачите на „Филип Шартрие“ со своите маестрални потези.
Најдобриот српски тенисер Новак Ѓоковиќ е пред најголемиот предизвик на Ролан Гарос. Српскиот ас во полуфиналето ќе се сретне со Шпанецот Карлос Алкараз, а според општите проценки овој дуел е окарактеризиран како „финале пред финалето“. Мечот е планиран како прв дуел во денот на централниот терен „Филип Шатрие“.
Новак Ѓоковиќ против Карлос Алкараз - вторпат во кариерата. Премиерниот меч, во полуфиналето на Мастерсот во Мадрид, Шпанецот го доби пред нешто повеќе од една година, а денес Ѓоковиќ има можност да му се реваншира и да обезбеди пласман во големото финале на Ролан Гарос.
Најдобриот српски тенисер, Новак Ѓоковиќ се пласира во полуфиналето на францускиот Грен-Слем и таму ќе се соочи со првиот светски рекет, Карлос Алкараз.
