• Саше Љолес
Тунижанката Онс Џабер го освои турнирот што се играше во кинескиот град, Нингбо, и во финалето ја совлада руската тинејџерка Дијана Шнајдер со 2-0, по сетови 6-2 и 6-1.
Убедливиот триумф Џабер го најави уште во првиот сет, а потоа само рутински го приведе мечот кон нова победа. Ова за неа е вкупно петта ВТА титула и втора во 2023 година.
Дуелот меѓу Џабер и Шнајдер траеше 75 минути. Русинката има само 19 години и важи за голем талент на светскиот тенис, но Џабер беше пресилна за неа и на доминантен начин стигна до нов трофеј во својата кариера.