Дона Векиќ одигра одличен турнир на Олимписките игри во Париз и го освои сребрениот медал, откако во финалето загуби од кинеската тенисерка Кинвен Женг. По мечот изјави дека е пресреќна што воопшто имала можност да биде дел од овој собир.
Хрватската тенисерка Дона Векиќ не успеа да приреди уште едно изненадување на женскиот тениски турнир во Париз. Хрватската над сите очекувања се пласира во финалето на Олимписките игри, но таму немаше сили против разиграната Кинвен Женг (6-2, 6-3).
