• Зоран Мишевски

Новак Ѓоковиќ беше испратен од „Род Леjвер Арена“ со свирежи, откако го предаде полуфиналето на Австралија Опен. Седмиот тенисер во светот го загуби првиот сет по тај-брејк во дуелот со Александар Зверев по нешто повеќе од 80 минути, по што реши да му го предаде мечот на Германецот.
Тоа не им се допадна на мал дел од фановите на трибините, очигледно незадоволни што платиле билет и наместо најавениот маратон, добиле само нешто повеќе од еден час програма.
Зверев застана во одбрана на Ѓоковиќ заради свирежите:
„Не почитувам никого повеќе од Новак. Не смеете да исвиркате некого како Ѓоковиќ“, порача Германецот.
Not how we wanted your campaign to end, @djokernole.
Thank you for another wonderful Australian summer. Well played and best wishes for a speedy recovery.#AO2025 pic.twitter.com/d5VJ6YNBeN
— #AusOpen (@AustralianOpen) January 24, 2025
Српскиот тенисер ги слушна свирежите од трибините и ги поздрави оние кои ги упатија кога си замина.