• Мартин Танасковски
Прворангираната светска тенисерка Ига Швјонтек е победник на овогодинешното издание на Ролан Гарос во категоријата за дами.
Полката во финалниот дуел се соочи со сензацијата Каролина Мучова од Чешка, која успеа да ја совлада со 2-1 во сетови (6-2, 5-7, 6-4). Мечот траеше два часа и 50 минути, а фаворитката до триумфот дојде потешко од очекуваното.
Првиот сет беше доминантен и заврши за Швјонтек, меѓутоа во вториот сет се виде зошто Мучова е во финалето. Швјонтек имаше 3-0, меѓутоа ривалката се врати и израмни на 3-3, а потоа откако направи брејк за 5-6, дојде до израмнување. Во решавачкиот сет, видовме пет брејка, клучниот беше за победа.
Ова беше четврти Грен Слем турнир за Швјонтек во кариерата.
