• Горан Упале
Шпанскиот тениски тренер Тони Надал го анализираше финалето на Вимблдон, кое му припадна на Карлос Алкараз. Во мечот за трофејот Алкараз го победи Новак Ѓоковиќ со 6-2, 6-2, 7-6/4.
Тони оценува дека Ѓоковиќ не ја играл својата игра, туку алтернативна, за која сметал дека ќе му наштети на младиот Шпанец.
„Одлуката не беше лесна да се донесе. Како да му пристапите на натпреварот, со вообичаеното оружје и вашиот стил или да се обидете да го неутрализирате противникот со барање други решенија и оддалечување од карактеристични игри.
Отсекогаш сум се одлучувал за првото решение. Секогаш е потешко, особено во финале, да го правиш она на што не си навикнат. Ѓоковиќ се одлучи за второто решение. Знаејќи дека ниту нозете, ниту прецизноста на неговите удари се како во изминатите години, ниту пак дека неговиот долг и физички напорен меч не му оди во прилог, се обиде со тактика која на крајот се покажа како самоубиствена“, рече Надал.
Тони Надал го тренираше Рафа од детството до 2017 година и му помогна да освои шеснаесет Грен слем титули.
