• Саше Љолес
Поранешниот тенисер Матс Виландер, во разговор со една шпанска телевизија изјави дека добил информации за идните потези на Карлос Алкараз, кои претставуваа вистинско изненадување за јавноста.
Имено, Виландер посочи дека Алкараз наскоро би можел да добие нов тренер, а тоа нема да биде било кој, туку славниот Рафаел Надал! 22-кратниот Грен-Слем шампион се согласил да му помага на младиот талент и најверојатно ќе потпишат двегодишна соработка, па наскоро се очекува и потврда од некој релевантен извор.
„Добив информации дека Надал веќе се подготвува за тренерска кариера. Мислам дека во најбрзо време ќе биде објавено дека е нов тренер на Алкараз. Иако Карлос во моментов одличен тренер, мислам дека Надал ќе го заземе неговото место.
Цела Шпанија ќе се гордее на оваа соработка, а Надал сигурно ќе може повеќе да му помогне околу одржувањето на силниот интензитет во секој меч, нешто што претставува проблем за младиот Алкараз“, вели Виландер.
Алкараз во моментов е третопласиран на АТП листата, а Рафаел Надал пред само неколку дена ја заврши својата блескава кариера со настапот на Дејвис Купот.
