• Иван Димовски
Новак Ѓоковиќ го освои трофејот на Австралија Опен, откако на доминантен начин „се прошета“ низ турнирот. Српскиот тенисер го освои својот 22. голем трофеј и се израмни со Рафаел Надал на „вечната листа“.
Токму Шпанецот и Роџер Федерер важат за најголеми конкуренти на Ѓоковиќ, меѓутоа тројцата редовно си ги честитаат успесите еден на друг. Така беше и овојпат, па Надал и Федерер преку социјалните мрежи му честитаа на српскиот ривал.
„Неверојатен напор, повторно! Многу честитки до тебе“, напиша Федерер.
„Неверојатно достигнување! Честитки до тебе и твојот тим. Сосема заслужено, Ноле, уживај“, напиша Надал.
Ѓоковиќ чекори кон историја, кон местото на пиедесталот и рекорд по бројот на Грен слем титули. Засега тој делува поблизу до рекордот, бидејќи Надал се мачи со повреди, а Федерер веќе ја заврши кариерата.
