Надал го надмина Конорс, нов феноменален рекорд за „бикот од Мајорка“

Рафа

Една недела по достигнувањето на 1.000 победи во кариерата, Рафаел Надал запиша уште еден рекорден податок зад своето име.

20-кратниот Грен слем шампион го надмина големиот Џими Конорс по бројот на последователни недели минати во Топ 10 на АТП листата. Шпанецот е дел од најдобрите десет тенисери на светот цели 790 седмици во низа, и сега има една повеќе од американската легенда.

Првпат се појави меѓу најдобрите десет во април 2005 година и таму и до денес. Дури 81% од времето го мина на првата или втората позиција на светската ранг листа.

Оваа бројка не ги вклучува и неделите, вкупно 22, кои не се бројат поради периодот минат во пандемија со коронавирус.