• Саше Љолес
Чешката тенисерка Барбора Крејчикова го оствари најголемиот успех во својата кариера и се пласира во финалето на Вимблдон, откако ја совлада Елена Рибакина од Казахстан со 2-1, по сетови 3-6, 6-3 и 6-4.
Рибакина започна одлично, го доби првиот сет и делуваше дека ќе ја оправда фаворитската улога, но сепак нејзината ривалка прикажа извонреден тенис во продолжение и сосема заслужено се избори за учество во мечот за шампионскиот трофеј.
Крејчикова во минатото стигнуваше до четвртфиналето на УС Опен, имаше неколку забележителни резултати и на другите Грен-Слем турнири, но овој успех е навистина посебен. Во големото финале противничка ќе ѝ биде Италијанката Јасмин Паолини, која претходно ја надигра Дона Векиќ од Хрватска.
