• Сашо Поповски
Клаудија Тени е конгресменка од Њујорк и жена која во наредниот период ќе се бори Новак Ѓоковиќ да добие дозвола да игра на УС Опен.
Таа испратила писмо до државниот секретар на Соединетите Американски Држави, Ентони Блинкен, преку кое бара „специјална дозвола од национален интерес“ за српскиот тенисер. Моментално еден од најдобрите спортисти на денешницата нема „зелено светло“ за настап на последниот Грен слем турнир оваа сезона.
Today, I’m urging the Biden administration to issue a National Interest Exemption so that world renowned tennis star Novak Djokovic and any other international athlete can compete in the US Open. Biden should then DROP the ridiculous mandate altogether! (1/2) pic.twitter.com/YGpUHutXoO
— Rep. Claudia Tenney (@RepTenney) August 2, 2022
Конгресменката Тени во своето барање наведува дека УС Опен е витален турнир кој ги спојува спортот и меѓународната дипломатија и има големо економско влијание, бидејќи носи годишен приход од една милијарда долари.
Таа верува дека мандатот за ковид-19 кој моментално е на сила и е воспоставен од администрацијата ги дискриминира невакцинираните играчи кои се странски државјани.
