Кирјиос: Го мразев и презирав Надал каде и да го сретнам!

Австралискиот тенисер Ник Кирјиос изјави дека имал голема нетрпеливост кон Рафаел Надал и секогаш бил најмотивиран кога се сретнувал со него на турнирите ширум светот. 

Кирјиос рече дека дуелите со Федерер и Ѓоковиќ за него не биле толку голем предизвик, но секогаш имал огромна желба да го победи Надал. 

„Не можев да го поднесам Надал. Го мразев и презирав секогаш кога го гледав. Тој ме мотивираше многу и сакав секогаш да го победам и да играм најдобро што можам. Тој бес што го чувствував против него го немаше на мечевите со Федерер и Ѓоковиќ“, изјави Австралиецот. 

Кирјиос после подолга пауза повторно е активен и наскоро ќе настапи Австралија Опен, првиот Грен-Слем кој започнува на шести јануари.