• Саше Љолес
Полската тенисерка Маја Хвалинска се пласираше во полуфиналето на Ролан Гарос, откако успеа во два сета да ја елиминира Русинката Ана Калинскаја (7-6/3 и 6-3).
Хвалинска е 114. тенисерка во светот, но успеа да ја победи подоброрангираната противничка (24. на ВТА листата) за еден час и 55 минути.
Седум пати ѝ го одзема сервисот на Калинскаја, не оставајќи ѝ никакви шанси за „кам-бек“ во мечот. Во полуфиналето, Хвалинска ќе се соочи со победничката од дуелот меѓу Арина Сабаленка и Дијана Шнајдер.
