• Иван Димовски
Станислав Вавринка по пауза од седум години, пак ќе заигра за репрезентацијата на Швајцарија.
Искусниот тенисер ќе биде на располагање на селекторот за настапот на Дејвис Купот и натпреварите си Германија. Вавринка во моментов се наоѓа на 139. место на АТП ранкингот, се мачеше со повреди, а на Австралија Опен беше исфрлен по првата рунда.
Тројниот освојувач на Грен слем трофеи, последен пат го носеше репрезентативниот „дрес“ во 2014 година и играше заедно со Роџер Федерер. Сега, Вавринка ќе биде на располагање за дуелот на Швајцарците со Германија на трети и четврти февруари.
Победникот од оваа пресметка ќе се пласира во групната фаза која се игра во септември.
