• Горан Упале
Најдобриот светски тенисер, Новак Ѓоковиќ, се пласира во четвртфиналето на турнирот во Женева, откако го совлада Германецот Јаник Ханфман со резултат 2-0 во сетови (6-3, 6-3).
Ѓоковиќ на својот 37-ми роденден, триумфално го започна турнирот во Женева, откако го прескокна првото коло, а до првиот сет стигна по паузата поради дождот што траеше околу еден час.
Во вториот сет Ханфман го „скрши“ Ѓоковиќ и поведе со 3-0, но потоа дојде до жесток пресврт од страна на српскиот тенисер кој освои шест гема во низа и со тоа обезбеди пласман во следната рунда.
На крајот од мечот организаторите на Ѓоковиќ му подарија торта, а на гледачите роденденска песна. Во следното коло Ѓоковиќ ќе се сретне со подобриот од дуелот меѓу Денис Шаповалов и Талон Грикспор.
