• Горан Упале
Новак Ѓоковиќ одигра уште една брилијантна партија на Вимблдон и со убедливи 3-0 го совлада сонародникот Миомир Кецмановиќ и со тоа се пласира во осминафиналето од Грен слем турнирот во Лондон.
За големиот шампион ова беше јубилејна стота победа на неофицијалното Светско тениско првенство.
„Историска победа за мене. Привилегиран сум што сум на оваа позиција. Тенисот ми даде многу во животот, не земам ништо здраво за готово, особено на оваа возраст. Се обидувам да се натпреварувам со помладите момци. Имам благослов да го освојам овој турнир неколкупати“, нагласи Ѓоковиќ.
Потоа им објасни на Англичаните што е „пумпање“, начинот на кој ја прославуваа секоја победа.
„На нашиот јазик велиме „пумпај“, а на англиски тоа е „pump it up“. Тоа е песна. Душо, сакаш ли да ми покажеш? (ѝ рече на Тара, а таа пумпаше). Се надевам дека ќе можам да продолжам да се справувам добро, за да можеме да продолжиме да пумпаме“, заклучи Ѓоковиќ и доби овации од публиката.
Ѓоковиќ, кој е рангиран на шестата позиција на АТП листата, во следното коло ќе се сретне со Австралиецот Алекс де Минор.
