• Горан Упале
Новак Ѓоковиќ го совлада Даниил Медведев во финалето на УС Опен со 3-0 и ја продолжи доминацијата во светот на тенисот. И по мечот беше интересно, а Ѓоковиќ за време на официјалната изјава по доделувањето на пехарите се пошегува со противникот и ѝ испрати порака на сопругата на рускиот тенисер.
Медведев прво откри дека тој и неговата сопруга слават годишнина и дека му е жал што не успеал да ја круниса со победа, а подоцна на тоа се осврна и Ѓоковиќ.
Ѓоковиќ реши да им ја честита годишнината на Медведев и неговата сопруга, а исто така се пошегува дека таа не е премногу среќна.
„Те молам, немој погрешно да го разбереш ова. Среќна годишнина. Жал ми е, но ова навистина го кажувам од срце. Да знаев дека денес е твојата годишнина, можеби, знаеш, резултатот...“ рече Ѓоковиќ, по што тој и Медведев се насмеаа.
Novak Djokovic wishes Daniil Medvedev a happy anniversary at US Open:
“Please don’t take this the wrong way, happy anniversary to your wife. Im sorry. It comes from a good place. If I knew the anniversary was today, maybe.. you know.. the result.” pic.twitter.com/pnK6A19Yqu
— The Tennis Letter (@TheTennisLetter) September 11, 2023
Камерата потоа ја покажа сопругата на рускиот тенисер, во која сите гледаа во тој момент, а таа „кисело“ се насмевна, но беше очигледно дека не е одушевена од кажаното на Ѓоковиќ.
