• Саше Љолес
Неодамна најавениот турнир од АТП 250 серијата, кој треба да се одржи во Бања Лука, ќе добие уште поквалитетни натпреварувачи во програмата. Домаќин на „Српска опен“ е најдобриот светски тенисер Новак Ѓоковиќ, а на „менито“ ќе има навистина интересни мечеви.
Турнирот ќе се одржи од 16 до 23 април во Бања Лука и ќе биде празник за љубителите на тенисот и спортот. Тенисери кои неодамна го потврдија своето учество ќе бидат Стас Вавринка кој сака да ја крене малку својата форма и долгогодишниот пријател на Ѓоковиќ, Гаел Монфис.
Организаторите изјавија дека се во преговори со уште неколку квалитетни тенисери, меѓу кои е и победникот на минатогодишниот турнир во Белград, Русинот Андреј Рубљев. Можно е учество и на неговиот сонародник, Карен Хачанов, како и Американецот Френсис Тиафо.
Со сите овие одлични тенисери, турнирот во Бања Лука ќе биде навистина интересен за следење и сите очекуваат квалитетни и возбудливи мечеви.
