• Зоран Мишевски
Американскиот тенисер Тејлор Фриц се пласира во полуфиналето на УС Опен, откако вечерва во четвртфиналето го совлада Германецот Александар Зверев со 3-1 во сетови 7-6/2, 3-6, 6-4, 7-6/3. Мечот траеше 209 минути и решаваа дилеми во двата тај-брејка.
Двајцата тенисери го задржаа својот сервис во првиот сет, а Фриц го доби тај-брејкот со резултат 7-2. Зверев возврати и по брејкот во осмиот гем го доби вториот сет.
Фриц поведе со 300 во третиот сет, но Зверев направи брејк во петтиот гем. Американскиот тенисер повторно го одзеде сервисто на Германецот во десеттиот гем и поведе со 2-1 во сетови. Во четвртиот сет немаше брејкови. Американскиот тенисер беше подобар во тај-брејкот со резултат 7-3 и со тоа оствари победа и најголем успех во кариерата на Грен слем турнирите.
Во полуфиналето на УС Опен, Фриц ќе игра против подобриот од дуелот меѓу Бугаринот Григор Димитров и Американецот Френсис Тиафо.
