• Иван Димовски
Младиот шпански ас Карлос Алкараз се враќа на тениските терени по паузата поради повреда. Поранешниот светски рекет број еден ќе заигра на АТП турнирот во Буенос Аирес, а неговиот кам-бек го чекаат многу луѓе во овој спорт.
Во пресрет на настапот во Аргентина, Алкараз зборуваше на повеќе теми, па се осврна и на Новак Ѓоковиќ.
„Јас минав доста време на врвот, на првото место. Сега целта ми е да се вратам таму и да дадам максимум на претстојните турнири.
Новак нема слабости. Секој удар му е исклучителен, неговата физичка подготвеност и менталната стабилност се беспрекорни. Тој е како Бог, со години му се восхитував бидејќи успеа да остане на исто нив, при врвот. Тоа е навистина многу тешко“, кажа Алкараз.
Алкараз во повеќе наврати покажа почит кон сите членови на „големата тројка“. Шпанецот ги почитува достигнувањата на Ѓоковиќ, Надал и Федерер, меѓутоа нема сомнеж дека цели да ги достигне нивните висини.
