• Горан Упале
Додека големите имиња во светскиот тенис дебатираат каде е улогата на најдобрите тенисери во историјата во моментов и дали Карлос Алкараз и Јаник Синер се блиску до најголемите легенди на белиот спорт, главниот протагонист на оваа приказна има многу поскромен пристап.
„Не сум ни блиску до „големата тројка“. Само кога ќе освојувам трофеи година по година и кога ќе стигнам до 20 или 22 Грен слем титули, ќе можам да кажам дека седам на иста маса со тројцата великани“, рече Алкараз, кој пред една седмица го освои првиот трофеј на Австралија Опен.
Со седум големи трофеи и статус на најмладиот човек во историјата што стигнал до кариерен Грен слем, Алкараз сега се дистанцира од Јаник Синер. Бидејќи без разлика колку добро играл Италијанецот и вредно собирал трофеи во последните две години, тој не постигнал ниту еден подвиг со епитетот „историски“.
