• Иван Димовски
Фаворитите одиграа споерд планот во првото коло на АТП турнирот во Пекинг од серијата 500.
Карлос Алкараз беше подобар од Џовани Мпетши Перикар со 2-0. Вториот носител на турнирот ги доби двата сета со по 6-4 и за час и 22 минути се пласира во втората рунда. Таму го очекува судир со Талон Грикспор.
Во второто коло се пласира и Данил Медведев, откако со 2-0 го совлада ветеранот Гаел Монфилс. Рускиот тенисер првиот сет го доби со 6-3, а потоа вториот со 6-4 и по час и половина го исфрли искусниот Французин. Во следната фаза Медведев оди на мегдан со уште еден француски тенисер, Манарино.
Нешто повеќе мака виде Андреј Рубљев, кој со 2-1 го совлада Пабло Карењо Буста.
