• Саше Љолес
Некогашниот фудбалски тренер Александер Нури, кој успеа да го спаси Вердер Бремен од испаѓање во Бундеслигата, сега ја продолжува својата кариера на сосема поинаков начин - како управник на два ресторани на Мекдоналдс во Германија.
Нури ја имаше својата најсјајна сезона како тренер на Вердер кога со позитивна серија натпревари успеа да го одржи клубот во елитата. По неколку тренерски ангажмани во Германија и краток престој во странство, тој се одлучи да го напушти професионалниот фудбал и да се посвети на бизнисот со брза храна.
Во новата улога, Нури управува со два Мекдоналдс ресторани, каде што ги применува лидерските и организациските вештини што ги стекнал како тренер. Тој истакнува дека иако станува збор за сосема нова индустрија, а принципите на тимска работа и водство што ги користел на тренерската клупа му помагаат и во новата средина.
Оваа необична трансформација го привлече вниманието на јавноста, покажувајќи дека некогашните спортски професионалци можат да пронајдат нови патеки и надвор од теренот, користејќи ги искуствата од спортскиот свет во други сфери на работата.