Која е тајната на вашиот часовник? Одговорот ни го дадоа од „Божиновски часовници и накит“ за време на презентацијата на првиот саем за мажи „Gentlemen's Expo“.
Македонскиот реномиран бренд, кој е бескомпромисен во однос на квалитетот, прецизноста, врвната услуга и беспрекорниот сервис, пред очите на љубопитните посетители ја претстави работата врз еден комплициран механизам - Valjoux 7750.
Сузана Турунџиева, која е бренд амбасадор на „Божиновски часовници и накит“, посветено навлегуваше во детали, докажувајќи зошто тие се број еден избор при купувањето на квалитетни швајцарски часовници и софистициран накит со потпис на Келвин Клајн.
„Во сите овие 20 и неколку години ние воспоставивме една одлична соработка, релација и доверба, градиме доверба со нашите клиенти на кои им е јасно што значи да купиш часовник и да купиш часовник од Божиновски, оригинален швајцарски часовник. Кој бара посветеност, кој има сеизмичка прецизност и на кој нашите сервисери во моменти кога треба да интервенираат, му приоѓаат со безрезервна љубов, знаење, посветеност и соработка со клиентите кои ги чувствуваме како дел од големото семејство на Божиновски. Праксата и искуството покажаа дека добар часовник би требало да се сервисира на секои четири до шест години. Ние тоа секогаш им го укажуваме на нашите клиенти кои сакаат дополнителни информации за своите часовници. Единствено ‘Божиновски часовници и накит’ продава лиценцирани швајцарски часовници кои подоцна доаѓаат во нашите салони за редовен сервис. Нашите искусни сервисери им приоѓаат на ист начин како што матичните лекари им приоѓаат на своите пациенти“ – рече Турунџиева за Gol.mk.
Повеќе во видеото подолу.
Кога станува збор за животниот век на еден часовник, трката со неговото времетраење може да се победи со одржување на часовникот и редовен сервис, а долговечноста на една квалитетна направа ја зголемува и нејзината вредност. „Божиновски часовници и накит“ од 1996 година на своите клиенти им нудат продолжување на тој животен век.
„Победи го времето, живеј го животот“ е фраза со која минатата година беше лансирана нова кампања на „Божиновски часовници и накит“ и фраза која сопствениците неретко ја користат за опишување на безвременските производи од швајцарски производители кои ексклузивно за Република Македонија ги презентираат нешто повеќе од две децении.