ВИДЕО: Судијката го налути О’Саливен, тој со сета сила ги удри топките па загуби со 6-0!

• Горан Упале

Рони О’Саливен, најпопуларниот и моментално најдобриот снукер играч во светот, имаше тешки моменти на „Players Championship“.

По освоените пехари на Мастерсот и на Светското ГП, Англичанецот беше поразен во четвртфиналето од сонародникот Марк Селби со неверојатни 6-0. Најавата за дебаклот дојде веќе во првиот фрејм, кога О'Саливен многу се налути. Направи фаул три пати и тоа би значело дека во нормални околности ја губи партијата.

Сепак, судијката Десислава Божилова по втората грешка заборави да го опомене и Рони сепак остана на масата. Фрустрацијата ја изрази во следниот потег, кога со сите сили ги погоди црвените топки и го остави Селби со чиста ситуација да ја расчисти масата.

  • Селби славеше на крајот, а еве како изгледа кога Рони „полудува“.

Инаку, турнирот „Players Championship“ се игра во Телфорд, Англија.