• Зоран Мишевски
Кинескиот снукер играч Чен Цифан е суспендиран поради истрага за местење мечеви, соопшти Светската организација за снукер. За Цифан, 93-то рангиран играч во светот, суспензијата стапува во сила веднаш и ќе остане до крајот на истрагата. 27-годишниот играч има право на жалба.
„Нема да има дополнителни коментари освен во случај на понатамошни значајни случувања“, се вели во соопштението на Светската снукер организација.
Седум кинески играчи се суспендирани овој месец, додека суспензијата на Лианг Венбо е на сила од 27 октомври.