Шах

Актуелниот светски првак во шах, Магнус Карлсен постојано е во офанзива, но никако да стигне до посакуваната победа над својот противник рускиот велемајстор, Сергеј Карјакин. Вчера, во уште еден маратонски дуел, Русинот повторно ги издржа нападите на Карлсен и одигра реми за вкупен резултат од 2-2.

Синоќа европската шаховска титула пристигна во Скопје, а првиот човек на компанијата Алкалоид вети дека клубот и во иднина ќе инвестира во младите шаховски школи низ државата. Како и во претходните две децении ШК Алкалоид и во иднина ќе го надоградува проектот за развој на домашниот шах.

За првпат во историјата на шаховскиот спорт во Македонија, клуб од нашата држава стана клупски европски шампион, откако Алкалоид го освои Европскиот Клупски Куп за 2016 година кој се одржа во Нови Сада, а заврши во саботата. Денес по пристигнувањето во нашата држава, клубот заедно со претставниците на медиумите, како и пријателите на клубот со свечен коктел го прослави големиот успех. Прв збор на свеченоста зеде првиот човек на компанијата Алкалоид, која е и главен спонзор на клубот, Живко Мукаетов кој не можеше да го сокрие задоволството од остварениот успех.

Шаховскиот клуб Алкалоид, актуелниот шампион на Македонија, го постигна најголемиот успех во својата историја, освојувајќи ја титулата во Европскиот Клупски Куп кој се одржа во Нови Сад, во соседна Србија. Веќе новите шампиони на Европа, Алкалоид, во денешното последно коло одиграа реми од 3-3 со Легаси Сквер Москва, што беше доволно за заверка на титулата.

Македонскиот шаховски шампион Алкалоид продолжува со добрите резултати на Европскиот клупски куп, откако денес во рамки на 5. коло стигна до нова, петта победа, совладувајќи го руски Медин Всадник со резултат од 3,5-2,5. На тој начин нашиот клуб се зацврсти на врвот, ако се земе предвид дека е единствен клуб со максимален ефект.

Македонскиот првак Алкалоид стигна и до третата победа на 32. Европски клупски Куп во шах во Нови Сад. Вечерва Алкалоид го совлада англискиот претставник Шедлтон со 5,5-0,5.

Првакот на Македонија во шах, Алкалоид го победи германскиот претставник Шашфрунде Берлин со 5-1 во првото коло ма Европскиот клупски шампионат во шах во Нови Сад.

Од в петок во хотелот „Далјан“ во Охрид ќе се одржи младинскиот турнир во шах „Ласкер“ 2016 година. 

Светската шаховска федерација ја потврди суспензијата за бугарската федерација, која е дефинитивно исклучена од Европската шаховска унија.