Стојановски бележи одлични настапи на турнирите „Checkmate CoronaVirus"

Стојановски

Дејан Стојановски, членот на Шаховскиот клуб Алкалоид, оствари забележителни резултати на Медитеранските игри „Checkmate CoronaVirus".

Турнирите се организирани од страна на Медитеранската Шаховска Асоциација, а учествуваа шахисти од дваесетина земји членки на асоцијацијата, меѓу кои Македонија, Хрватска, Црна Гора, Италија, Франција, Андора, Грција, Португалија, Алжир, Египет, Кипар и други.

Македонскиот велемајстор настапи на турнирите во Булет формат каде што го освои второто место во конкуренција на 380 играчи и Блиц формат каде што заврши на третото место во конкуренција на 541 шахисти.

Натпреварите се играат онлајн, со оглед на пандемијата со коронавирусот, а досега се одржани шест од вкупно десет турнири.