ВИДЕО: Полски шахист одби да се ракува со руски ривал кој е поддржувач на Путин

• Иван Димовски

Светското првенство во брзопотезен шах понуди една интересна ситуација. Имено, полскиот шаховски велемајстор Јан Кшиштоф Дуда одби да се ракува со рускиот велемајстор Денис Хисматулин. 

Пред да седне крај масата, Русинот му подаде рака, а Полјакот со еден гест го одби ракувањето со „најконтроверзниот учесник“ на ова Светско првенство. 

Инаку, Хисматулин е познат како голем поддржувач на политиките на Путин, а и самиот неколку пати беше гостин на воените позиции и се фотографираше со руските војници кои војуваат со Украина. Светската шаховска федерација (ФИДЕ) знаеше да суспендира Руси поврзани со воените дејствија, но Хисматулин засега не е на листата.