Ракомет

Ракометарите на Партизан се нови шампиони на Србија, откако во вториот натпревар од финалната серија ја совладаа Војводина со 27-22 (14-11) во Нови Сад. Со оваа победа белградскиот тим ја доби финалната серија со 2-0 и ја потврди доминацијата во домашниот ракомет оваа сезона.

Македонскиот ракометар Дејан Кукуловски синоќа го одигра последниот натпревар во дресот на Охрид и кариерата ќе ја продолжи во странство. Негов нов клуб ќе биде некогашниот европски шампион Металопластика од Шабац. Српскиот клуб денес го потврди потписот на македонскиот бек и го најави како големо засилување за следната сезона.

Легендарниот Лино Червар веќе е во Битола и од денес и официјално ја започнува својата последна мисија како ракометен тренер. Со повеќе од пет децении тренерско искуство, хрватскиот стратег пристигна во Битола да го пренесе своето драгоцено знаење, а на денешната прес конференција го претстави и останатиот дел од стручниот штаб. 

На денешната промоција на Лино Червар за нов тренер на Еурофарм Пелистер, претседателот на македонскиот вицешампион - Зоран Стерјев, истакна дека клубот е во преговори со уште две засилувања, а потврди и дека капитенот Филип Кузмановски и Дејан Манасков имаат отворена понуда да останат во клубот. 

Еден од најтрофејните ракометни стратези во Европа, Лино Червар, и официјално пристигна во Битола каде беше промовиран како нов тренер на Еурофарм Пелистер. Во амбиентот на Културно информативниот центар во Битола, легендарниот хрватски тренер ја презентираше својата визија и планови за работа, со јасна цел, враќање на битолскиот клуб на врвот во македонскиот ракомет и создавање конкурентен тим на европска сцена.

Ракометарките на хрватска Подравка продолжуваат да испишуваат историја во хрватскиот ракомет. Тимот веќе надмина сто последователни натпревари без пораз во домашните натпреварувања.

Охрид повеќе од една седмица живееше за ракометот. Победата во Татабања во првиот натпревар од финалето во ЕХФ Европскиот Куп само дополнително ја подигна атмосферата кај охриѓани, но она што се случуваше на денот на реваншот беше вистинска еуфорија.

Екипата на ГРК Охрид дојде до трофејот во Европскиот Куп на ЕХФ, а со тоа еден од македонските репрезентативци испиша историја во својата лична биографија.

Борис Ројевиќ го освои првиот трофеј со ГРК Охрид. Српскиот стратег е творецот на успехот во Европскиот Куп на ЕХФ, каде македонскиот колектив со две победи во финалето мина преку унгарска Татабања до трофејот.